MNP - ဖေဖေါ်ဝါရီ ၂၅
ကျိန္တလီမြို့၌ မြို့သန့်ရှင်းသာယာလှပရေးအတွက် ဌာနဆိုင်ရာများ စုပေါင်း၍ ယနေ့နံနက် (၇)နာရီအချိန်တွင် ကျိန္တလီမြို့၊ အမှတ်(၁)ရပ်ကွက်ရှိ ဦးဥတ္တမလမ်းတွင် သန့်ရှင်းရေး ဆောင်ရွက်ခဲ့ သည်။
ထိုသို့ သန့်ရှင်းရေးဆောင်ရွက်ရာသို့ ကျိန္တလီမြို့၊ အထွေထွေအုပ်ချုပ်ရေးဦးစီးဌာနမှ မြို့ဦးစီးမှူး ဦးဉာဏ်လင်းနှင့် ဝန်ထမ်းများ၊ ကျိန္တလီမြို့စည်ပင်သာယာရေးအဖွဲ့မှ အမှုဆောင်အရာရှိ ဦးနိုင်မင်းအေးနှင့် ဝန်ထမ်းများ၊ ကျန်းမာရေးဝန်ထမ်းများ၊ မြို့ငါးလုပ်ငန်းဦးစီးဌာန မြို့ဦးစီးမှူး ဦးကိုကိုနိုင်၊ ကျိန္တလီ နယ်မြေရဲစခန်းမှ ဒုရဲအုပ် ဦးဆက်နွယ်စိုးနှင့်တပ်ဖွဲ့ဝင်များ၊ ကျိန္တလီ နယ်မြေမီးသတ်စခန်းတာဝန်ခံ ဦးခင်မောင်ညို၊ ဌာနဆိုင်ရာများ၊ ရပ်ကွက် အုပ်ချုပ်ရေးမှူးများတို့မှ ဦးဥတ္တမလမ်းဘေး ဝဲ ယာရှိ သစ်ပင်ခြုံနွယ်များအား ခုတ်ထွင် ရှင်းလင်းခြင်း၊ အမှိုက်ကောက်ခြင်း၊ အမှိုက်ခြောက်များအား မီးရှို့ရှင်းလင်းခြင်းများ ပြုလုပ်ခဲ့ကြသည်။ အဆိုပါ သန့်ရှင်းရေး ဆောင်ရွက်ခြင်းကို ဌာနဆိုင်ရာများ စုပေါင်း၍ အပတ်စဉ် (စနေနေ့)တိုင်း သန့်ရှင်းရေး ဆောင်ရွက်သွားမည် ဖြစ်ကြောင်း သိရသည်။
ဇော်လင်း
https://t.me/MyanmarNationalPost
No comments:
Post a Comment