MNP - ဖေဖေါ်ဝါရီ ၈
ရခိုင်ပြည်နယ်၊ ရမ်းဗြဲမြို့၌ ပရိယတ္တိသာသနာတော်အရှည်တည်တံ့ပြန့်ပွားစေရေးကို ရည်ရွယ်လျက်ရမ်းဗြဲမြို့နယ်အတွင်းရှိ ဆရာတော်ကြီးများမှကြီးမှူး၍ ရမ္မာဝတီသဒ္ဓမ္မပါလပရိယတ္တိစာမေးပွဲကို ၇-၂-၂၀၂၃ ရက်နေ့မှစတင်ပြီးကျင်းပလျက်ရှိရာ ရမ်းဗြဲမြို့နယ်အတွင်းရှိ ပရိယတ္တိစာင်တိုက်များမှ စာချဆရာတော်များ စာမေးပွဲဖြစ်မြောက်ရေး ဆရာတော်ကြီးများနှင့် စာမေးပွဲကြီးကြပ်ဆရာတော်ကြီးများကြွရောက်တော်မူကြသည်။
အဆိုပါ စာမေးပွဲတွင် ဥပစာတန်းတွင် ရှင်ကျင့်ဝတ်၊ အခြေပြုမူလတန်းတွင် သဒ္ဒါ၊ ဝိနည်း၊ တိကမာတိကာ၊ ပထမငယ်တန်းတွင် ဝိနည်း၊ သဒ္ဒါ၊ မာတိကာဓါတုကထာ၊ သင်္ဂဟ၊ ပထမလတ်တန်းတွင်ဝိနည်း၊ သဒ္ဒါ၊ သင်္ဂဟ၊ မာတိကာဓါတုကထာ၊ အောက်ယမိုက်(၅)ကျမ်း ဘာသာရပ်များနှင့် ပထမကြီးတန်းတွင်လည်းဝိနည်း၊ သဒ္ဒါ၊ သင်္ဂဟ၊ အဘိဓာန်လင်္ကာဆန်း၊ အထက်ယမိုက်(၅)ကျမ်းနှင့် ပဌာန်းဘာရပ်များကိုဖြေဆိုကြရသည်။
စာမေးပွဲကိုတစ်နေ့လျှင် နံနက် ၇ နာရီ မှ ၁၀နာရီ ထိတစ်ချိန် နှင့် မွန်းတည့် ၁၂နာရီမှ မွန်းလွဲ ၃ နာရီထိတစ်ချိန် ၂ ချိန် တစ်ချိန်လျှင်တစ်ဘာ ဖြေဆိုကြရသည်။ ၎င်းစာမေးပွဲကို ၇-၂-၂၀၂၃ ရက်နေ့ မှ ၉-၂-၂၀၂၃ ရက်နေ့ထိကျင်းပသွားမည်ဖြစ်သည်။
ရမ်းဗြဲမြို့နယ်၌ ကျင်းပလျှက်ရှိသော(၂၄)ကြိမ်မြောက် ရမ္မာဝတီသဒ္ဓမ္မပါလစာမေးပွဲကို ယခုနှစ်တွင်ရမ်းဗြဲမြို့နယ်တွင်းရှိပရိယတ္တိစာသင်တိုက်များကသာမက အခြားမြို့နယ်များဖြစ်ကြသော ကျောက်ဖြူမြို့နယ်မှ ကျောက်တစ်လုံးကျောင်းတိုက်၊ တောင်ကုတ်မြို့နယ်မှ ပန်းကုံးကျောင်းတိုက်နှင့်သံတွဲမြို့နယ်မှပုလဲရတနာပရိယတ္တိစာသင်တိုက်များမှလည်းဝင်ရောက်ဖြေဆိုလျှက်ရှိကြပြီး စာဖြေသံဃာစုစုပေါင်း (၁၁၀)ပါးဝင်ရောက်
ဖြေဆိုလျှက်ရှိကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment