MNP - ဖေဖော်ဝါရီ ၇
ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ်တွင် ၂၀၂၃-၂၀၂၄ ပညာသင်နှစ်အတွက် မြို့နယ်အခြေပြုလုပ်ငန်းခွင်အကြိုရက်တို ဆရာအတတ်ပညာသင်တန်း (၁/၂၀၂၃)ကို ယမန်နေ့ နံနက် ၉ နာရီက မြို့နယ်ပညာရေးမှူးရုံးခန်းမတွင် ဖွင့်လှစ်ဆောင်ရွက်ခဲ့သည်။ သင်တန်းဖွင့်ပွဲတွင် မြို့နယ်ပညာရေးမှူး ဒေါ်ဥမ္မာဦးက အဖွင့်အမှာစကားပြောကြားပြီး ဒုတိယမြို့နယ်ပညာရေးမှူး ဦးအောင်ကြည်က သင်တန်းဖွင့်လှစ်ရခြင်း ရည်ရွယ်ချက်ကို ပြောကြားသည်။
အဆိုပါ သင်တန်းတွင် နိုင်ငံဝန်ထမ်း ဥပဒေ၊ နည်းဥဒေ၊ ဝန်ထမ်းကျင့်ဝတ်နှင့်မူလတန်းဆင့် ဆရာလမ်းညွှန်စာအုပ်များ စသည့်ဘာသာရပ်များကို မူလတန်းကျောင်းအုပ် ဆရာ၊ ဆရာမကြီးများက သင်ကြားရေးလုပ်ငန်းခွင်ဝင်ရောက်မည့် လက်ထောက်(မူပြ) ဆရာ(၇)ဦး၊ ဆရာမ(၆၆)ဦး စုစုပေါင်း(၇၃)ဦးအား သင်ကြားပို့ချပေးသွားမည်ဖြစ်ပြီး သင်တန်းကာလမှာ ၅ ရက်ကြာမြင့်မည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment