ရွှေတောင်မြို့နယ်တွင် ကျောင်းကျန်းမာရေးလုပ်ငန်းများ ဆန်းစစ်ဆွေးနွေးခြင်းနှင့် ကျောင်းအခြေပြုကူးစက်ရောဂါများ နှိမ်နှင်းရေးသင်တန်းဖွင့်လှစ်

MNP  -   ဖေဖော်ဝါရီ   ၂

ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် အ.ထ.ကရွှေတောင်ရတနာခန်းမတွင် ယနေ့နံနက်ပိုင်းက မြို့နယ်ကျန်းမာရေးဦးစီးဌာနက မြို့နယ်ပညာရေးဦးစီးဌာန အခြေခံပညာကျောင်းများမှ ကျောင်းအုပ်ဆရာကြီး၊ ဆရာမကြီးကို ကျောင်းကျန်းမာရေးလုပ်ငန်းများ ဆန်းစစ်ဆွေးနွေးခြင်းနှင့် ကျောင်းအခြေပြုကူးစက်ရောဂါများနှိမ်နှင်းရေးသင်တန်း ဖွင့်လှစ်ခဲ့သည်။

အခမ်းအနားတွင် မြို့နယ်ပညာရေးမှူးဦးကျော်ဦး၊ မြို့နယ်ကုသရေးဦးစီးဌာမှူး ဒေါက်တာအောင်မျိုးသန့်တို့မှ အဖွင့်အမှာစကားပြောကြားခြင်းနှင့် မြို့နယ်ကျန်းမာရေးမှူးဦးကိုကိုကြီးတို့မှ ဆွေးနွေးပို့ချရာ တက်ရောက်လာသော ကျောင်းအုပ်ဆရာကြီး၊ ဆရာမကြီးများက သိရှိလိုသည်များကို အပြန်အလှန်ဆွေးနွေးခဲ့ကြသည်။

ကိုကိုမင်း

 https://t.me/MyanmarNationalPost