MNP - ဖေဖော်ဝါရီ ၃
ရှမ်းပြည်နယ်(အရှေ့ပိုင်း)၊ မိုင်းယောင်းခရိုင်၊ မိုင်းယောင်းမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူးရုံးခန်းတွင် ယနေ့နံနက်ပိုင်းက ၂၀၂၂-၂၀၂၃ ပညာသင်နှစ် တက္ကသိုလ်ဝင်တန်းအောင်ချက်မြင့်မားရေး လုပ်ငန်းညှိနှိုင်းအစည်းအဝေး ကျင်းပခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူး ဦးစိုးသက်ဆွေက တက္ကသိုလ်ဝင်တန်းအောင်ချက်မြင့်မားရေးအတွက် ခရိုင်/မြို့နယ်ပညာရေးမှူးများ၊ ကျောင်းအုပ်ကြီးများ၊ ဆရာ ဆရာမများနှင့် သက်ဆိုင်ရာတာဝန်ရှိသူတို့က လုပ်ဆောင်ရမည်များကို ညှိညှိနှိုင်းနှိုင်းညီညီညွတ်ညွတ်ဖြင့် ပူးပေါင်းဆောင်ရွက်ပေးကြရန် မေတ္တာရပ်ခံလိုပါကြောင်း အမှာစကားပြောကြားသည်။
ထို့နောက် တက်ရောက်လာကြသူများက တက္ကသိုလ်ဝင်တန်း ကျောင်းသား ကျောင်းသူများသင်ကြားရေး၊ အခက်အခဲမရှိဖြေဆိုနိုင်ရေး၊ ထူးချွန်စွာအောင်မြင်ရေးနှင့် တက္ကသိုလ်ဝင်အောင်ချက်ရာခိုင်နှုန်းမြင့်မားစေရေး ဆွေးနွေးခဲ့ကြပြီး လိုအပ်ချက်နှင့် ဆွေးနွေးတင်ပြချက်များအပေါ် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူးက ပေါင်းစပ်ညှိနှိုင်းဆောင်ရွက်ပေးခဲ့သည်။
မိုင်းယောင်းမြို့တွင် ၂၀၂၂-၂၀၂၃ ပညာသင်နှစ် တက္ကသိုလ်ဝင်တန်းအောင်ချက်မြင့်မားရေးအတွက် ကျိုင်းတုံတက္ကသိုလ်မှ ဆရာ၊ ဆရာမကြီးများက မိုင်းယောင်းမြို့ အခြေခံပညာအထက်တန်းကျောင်းသို့ လာရောက်သင်ကြားပေးလျက်ရှိကြောင်း သိရသည်။
စိုင်းအောင်ဇော်လင်း
https://t.me/MyanmarNationalPost
No comments:
Post a Comment