MNP - ဖေဖော်ဝါရီ ၂၄
ရန်ကုန်တိုင်းဒေသကြီး၊ ကျောက်တံတားခရိုင်၊ ဒဂုံမြို့နယ်၊ ဘုရားကြီးရပ်ကွက်၊ ရွှေတိဂုံဘုရားလမ်း၊ မဟာဝိဇယစေတီတော် အနောက်ဘက်မုခ်ရှိငါးကန်အား ရေစုပ်ထုတ်၍ ကန်ရေသစ်လဲလှယ်ခြင်းလုပ်ငန်းအား စေတီတော်ဂေါပကအဖွဲ့၊ ငါးလုပ်ငန်းဦးစီးဌာနအဖွဲ့နှင့် စည်ပင်သာယာရေးအဖွဲ့များပူးပေါင်း၍ ယနေ့မွန်းတည့် ၁၂နာရီ က စတင်ပြီး ညနေ ၄နာရီခွဲအချိန်အထိ ဆောင်ရွက်ခဲ့ကြသည်။
ထိုသို့ဆောင်ရွက်ကြရာတွင် ငါးလုပ်ငန်းဦးစီးဌာန၏ ကြီးကြပ်မှုဖြင့် ငါးကန်အတွင်းမှ ဖော်ယူရရှိသည့် မြက်စားငါးမျိုးများဖြစ်သည့် တီလားဘီးယား၊ ငါးကြင်း၊ ငါးမုန့်၊ တောင်ပေါ်ငါးသလောက်၊ ငါးမြစ်ခြင်း၊ ငါးကြင်း ခေါင်းပွ၊ စုစုပေါင်း(၂၀၄၅)ကောင်အား စည်ပင်သာယာရေးအဖွဲ့များက မော်တော်ယာဉ်ဖြင့်(၃)ခေါက် သယ်ဆောင်ကာ ကြိုတင်တင်ပြ၍ ခွင့်ပြုချက်ရယူထားသည့် ကန်တော်ကြီးရေကန်အတွင်းသို့ လွှတ်ပေးခဲ့ကြကြောင်း သိရသည်။
အဆိုပါ ငါးကန်သန့်ရှင်းရွှေ့ပြောင်းရေးဆောင်ရွက်ရာသို့ ကျောက်တံတားခရိုင် စည်ပင်သာယာ အုပ်ချုပ်ရေးမှူး၊ အလုံနှင့်ကမာရွတ်ခရိုင် ရေ/သန့်ခရိုင်မှူး၊ ဒဂုံနှင့် ဗဟန်းမြို့နယ် စည်ပင်သာယာအုပ်ချုပ်ရေးမှူးနှင့် ဝန်ထမ်းများ ပူးပေါင်းပါဝင်ကြ၍ ကူညီဆောင်ရွက်ခဲ့ကြပါကြောင်း သတင်းရရှိပါသည်။
ကြည်ဇေသော်
https://t.me/MyanmarNationalPost
No comments:
Post a Comment