MNP - ဖေဖော်ဝါရီ ၈
ရခိုင်ပြည်နယ်၊ မြောက်ဦးခရိုင်၊ မြေပုံမြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ အ.ထ.က (သဲတန်း)ကျောင်း၌ လူငယ်နှင့် မူးယစ်ဆေးဝါးအန္တရာယ် အသိပညာပေး ဟောပြောပွဲ၊ ဓာတ်ပုံပြပွဲနှင့် စာအုပ်ပြပွဲတို့ကို ယမန်နေ့ညနေ (၃)နာရီအချိန်က ကျောင်းအစည်းအဝေးခန်းမ၌ ပြုလုပ်သည်။
ရှေးဦးစွာ ကျောင်းအုပ်ဆရာကြီး ဦးဦးစောသိန်းက အဖွင့်အမှာစကား ပြောကြားပြီး မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဒုတိယဦးစီးမှူး ဦးမောင်နီချေက ကျောင်းသား/သူ များအား ကာယဗလ၊ ဉာဏဗလ၊ စာရိတ္တဗလ၊ မိတ္တဗလ၊ ဘောဂဗလ ဖွံ့ဖြိုးစေရန်လေ့လာ သင်ယူနေစဉ်အတွင်း မကောင်းဆိုးဝါး မူးယစ်ဆေးဝါး အန္တရာယ်ကို ဝေးဝေးမှရှောင်နိုင်အောင် “မူးယစ်အန္တရာယ် ပြည်ရန်စွယ်၊ ကာကွယ်တိုက်ဖျက် လက်ချင်းဆက်” ဆောင်ပုဒ်နှင့်အညီ မိမိကအစ လူသားတိုင်း ပါဝင်ဆောင်ရွက်ရမည်ဖြစ် ကြောင်း၊ ကျောင်းသား/သူများ၏ ဗလ(၅)တန်ဖွံ့ဖြိုးရေးကို ဖျက်စီးရုံသာမက လူ့ဘဝကို အညွန့်တုံးစေသော မူးယစ်ဆေးဝါး အန္တရာယ်ကို ဝေးဝေးမှ ရှောင်နိုင်ရန် အကျယ်တဝင့် ဟောပြောသည်။
ထို့နောက် ကျောင်းသား/သူများအား ခင်းကျင်းပြသထားသော မူးယစ်ဆေးဝါးအန္တရာယ် တားဆီးကာကွယ်ရေး အသိပညာပေး၊ ဓာတ်ပုံပြပွဲနှင့် စာအုပ်ပြပွဲတို့ကိုလည်း ကြည့်ရှုလေ့လာကြရန် ပြောကြားခဲ့ကြောင်း သိရသည်။
တင်ဝင်း
https://t.me/MyanmarNationalPost
No comments:
Post a Comment