MNP - ဖေဖော်ဝါရီ ၁၀
ရခိုင်ပြည်နယ်၊ မောင်တောမြို့၌ (၇၆)နှစ်မြောက် ပြည်ထောင်စုနေ့ အထိမ်းအမှတ် ခရိုင်စီမံအုပ်ချုပ်ရေး အဖွဲ့ ဥက္ကဋ္ဌ ဖလား အမျိုးသား အလွတ်တန်းဘောလုံးပြိုင်ပွဲ ဗိုလ်လုပွဲ နှင့် ဆုချီးမြှင့်ပွဲပြုလုပ်ပွဲကို ယနေ့ နေ့လယ် ၃ နာရီ အ ချိန်က မြို့မအားကစားကွင်း တွင် ကျင်းပပြုလုပ်ခဲ့သည်။
အခမ်းအနားသို့ နယ်မြေခံ စစ်ဆင်ရေး ကွပ်ကဲရေးမှူး ဗိုလ်မှူးချုပ်သူရိန်ထွန်း ၊ ခရိုင်စီမံ အုပ်ချုပ်ရေး အဖွဲ့ဥက္ကဋ္ဌ ဦးနေဦး နှင့် အဖွဲ့ဝင်များ ၊ မောင်တော နှင့် ဘူးသီးတောင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ များ နှင့် အဖွဲ့ဝင်များ ၊ခရိုင်/ မြို့နယ် အဆင့် ဌာနဆိုင်ရာများ ၊ဆရာ/မ များ၊ ရပ်ကွက်/ကျေးရွာအုပ်ချုပ်ရေးမှူးများ ၊ အားကစားသမားများ နှင့် ပြည်သူ လူထုများ တက်ရောက်အားပေးကြသည်။
အဆိုပါ(၇၆)နှစ်မြောက် ပြည်ထောင်စုနေ့ အထိမ်းအမှတ် ခရိုင်စီမံအုပ်ချုပ်ရေး အဖွဲ့ ဥက္ကဋ္ဌ ဖလား အမျိုးသား အလွတ်တန်းဘောလုံး ဗိုလ်လုပြိုင်ပွဲကိုကျင်းပပြုလုပ်ရာ “Western king FC” နှင့် “ရွှေ ဘူးသီး” အသင်းတို့ယှဉ်ပြိုင်ကစားခဲ့ကြပြီး “ရွှေဘူးသီး”အသင်းက အနိုင်ရရှိခဲ့သည်။
ထို့နောက် ခရိုင်/မြို့နယ်အဆင့် ဌာန ဆိုင်ရာများ၏ ချစ်ကြည်ရေး ဘောလုံးပြိုင်ပွဲကိုကျင်းပြုလုပ်ခဲ့ရာ မောင်တောခရိုင် နှင့် ဘူးသီးတောင်မြို့နယ် အသင်း တို့ ယှဉ်ပြိုင်ကစားခဲ့ပြီး ဘူးသီးတောင်မြို့နယ် အသင်းမှ အနိုင်ရရှိခဲ့သည်။
ဆက်လက်၍ (၇၆)နှစ်မြောက် ပြည်ထောင်စုနေ့ အ ထိမ်းအမှတ် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဖလား အမျိုးသား အလွတ်တန်းဘောလုံးပြိုင်ပွဲဆုပေးပွဲအခမ်းအနားကို ပြု လုပ်ရာ ပြိုင်ပွဲအတွင်း ပထမ ၊ ဒုတိယ ၊ တတိယ နှင့် အထူးဆုများရရှိသော အသင်းများအား နယ်မြေခံ စစ်ဆင်ရေး ကွပ် ကဲရေးမှူး ဗိုလ်မှူးချုပ်သူရိန်ထွန်း ၊ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးနေဦး နှင့် အဖွဲ့ဝင်များက လည်ဆွဲတံဆပ်နှင့် ဂုဏ်ပြု ဆုများအား အသီးသီး ချီးမြှင့်ပေးခဲ့ကြသည်။
အဆိုပါ (၇၆)နှစ်မြောက် ပြည်ထောင်စုနေ့ အထိမ်းအမှတ် ခရိုင်စီမံ အုပ်ချုပ် ရေးအဖွဲ့ဥက္ကဋ္ဌဖလား အမျိုးသား အလွတ်တန်းဘောလုံး ပြိုင်ပွဲအတွင်း နေရာအလိုက် အကောင်းဆုံး ကစား သ မား ဆု ရရှိသူ များအား ပြည်ထောင်စုနေ့ အခမ်းအနား တွင် ဆုချီးမြှင့်မည်ဖြစ်ကြောင်းသိရသည်။
သက်လွင်စိုး၊အောင်ကျော်စိန်
https://t.me/MyanmarNationalPost
No comments:
Post a Comment