MNP - ဖေဖေါ်ဝါရီ ၇
ပြန်ကြားနှင့်ပြည်သူ့ဆက်ဆံရေးဦးစီးဌာန ၊ တောင်ကုတ်မြို့နယ်ရုံး ၊ လူထုအခြေပြုဗဟိုဌာန (Community Centre)၌လူငယ်များအသိပညာမြင့်မားရေးလာစေရန် ၊ စာပေဖတ်ရှုသည့် အလေ့အကျင့် ကောင်းများရရှိ စေရန်နှင့်အချိန်ကိုအကျိုးရှိစွာအသုံးချတတ်စေရန်စသည့် ရည်ရွယ်ချက်များဖြင့် Youth Club လူငယ်များ၏ စာဖတ်ဝိုင်းကို ယမန်နေ့ မွန်းလွဲ(၂)နာရီအချိန်ကကျင်းပခဲ့ကြောင်းသိရသည်။
စာဖတ်ဝိုင်းပြုလုပ်ရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ တောင်ကုတ်မြို့နယ်ရုံးမှ ဒုတိယဦးစီးမှူး ဒေါ်သန်းနု ကစာဖတ်ဝိုင်းပြုလုပ်ရသည့် ရည်ရွယ်ချက်များကို ရှင်းလင်းပြောကြားပြီးနောက် စာဖတ်ဝိုင်းကိုစတင်ရာ Youth Club အဖွဲ့ဝင်များဖြစ်ကြသည့် မောင်ထွန်းလင်းအောင် ၊ မောင်မိုးကျော်တင်ဦး၊ မမိုးသဇင်မိုး နှင့် မောင်ဖြိုးဝေစိုး တို့က လူငယ်နှင့်ယဉ်ကျေးမှုတန်ဖိုးစာအုပ်ပါ အကြောင်းအရာများကိုဆွေးနွေးကြသည်။
ထို့နောက် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ မြို့နယ်ရုံးမှ ဒုတိယဦးစီးမှူး ဒေါ်သန်းနု က လူငယ်များ၏ ဖတ်ကြားဆွေးနွေးသည့်အကြောင်းအရာများကို ထပ်မံဖြည့်စွက်ဆွေးနွေးခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment