MNP - ဖေဖော်ဝါရီ ၁၄
ရခိုင်ပြည်နယ်၊ မောင်တောခရိုင်၊ မောင်တောမြို့၌ အနောက်ပိုင်းတိုင်းစစ်ဌာနချုပ် နယ်လှည့် ဆေးကုသရေး အဖွဲ့က ဒေသခံပြည်သူများအား အခမဲ့ ကျန်းမာရေးကာကွယ်စောင့်ရှောက်ခြင်းကို ယနေ့ နံနက် ၉ နာရီမှ စ၍ သီရိမင်္ဂလာ ခန်းမ တွင် ဆောင်ရွက်ပေးခဲ့ကြရာ နယ်မြေခံ စစ်ဆင်ရေး ကွပ် ကဲရေးမှူး ဗိုလ်မှူး ချုပ်သူရိန်ထွန်း ၊ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးနေဦး နှင့် အဖွဲ့ဝင်များ ၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦး ကံထွန်းအောင် နှင့် အဖွဲ့ဝင်များ နှင့် တာဝန်ရှိသူများက လှည့်လည်ကြည့်ရှုအားပေးပြီး ခရိုင်/မြို့နယ်အဆင့် ဌာနဆိုင်ရာများ ၊ မီးသတ်တပ်ဖွဲ့ဝင်များ ၊ မြန်မာနိုင်ငံကြက်ခြေနီတပ်ဖွဲ့ဝင်များ ၊ အမျိုးသမီးရေးရာအ ဖွဲ့ဝင် များ နှင့် တာဝန်ရှိသူများက လိုအပ်သည်များကို ကူညီဆောင်ရွက်ပေးခဲ့ကြသည်။
အဆိုပါ အနောက်ပိုင်းတိုင်းစစ်ဌာနချုပ် နယ်လှည့် ဆေးကုသရေးအဖွဲ့တွင် ပါဝင်သောသမားတော်၊ ခွဲစိတ်ပါရဂူ၊ မျက်စိပါရဂူ၊ ကလေးပါရဂူ၊ ဓာတ်မှန်ပါရဂူ၊ အထွေထွေရောဂါကုသရေး ပါရဂူများသည် ဒေသ ခံ ပြည်သူများအား မျက်စိရောဂါ ၊ သွား နှင့် ခံတွင်းရောဂါ ၊ ကလေးရောဂါ ၊ ခွဲစိတ်ကုသမှုဆိုင်ရာရောဂါ ၊ အ ထွေထွေရောဂါ နှင့် ပတ်သတ်၍ လိုအပ်သည့် ဆေးဝါးကုသမှုများ ဆောင်ရွက်ပေးကာ ECG နှင့် အမ်ထရာ ဆောင်းစက်တို့ဖြင့် ရောဂါရှာဖွေစမ်းသပ်ပေးခြင်းများကို ကျန်းမာရေးကာကွယ်စောင့်ရှောက်ဆောင်ရွက်ပေးပြီး လူနာ စုစုပေါင်း (၁၃၅၁)ဦးအား အခမဲ့ဆေးကုသမှု ပေးခဲ့ကြောင်းသိရသည်။ အဆိုပါ ဆေးဝါးကုသရန် ရောက် ရှိလာသော ဒေသခံပြည်သူများအား နယ်မြေခံ စစ်ဆင်ရေး ကွပ်ကဲရေးမှူး ဗိုလ်မှူးချုပ်သူရိန်ထွန်း ၊ ခရိုင်စီမံ အုပ်ချုပ်ရေးအဖွဲ့ဥက္ကဋ္ဌ ဦးနေဦး နှင့် အဖွဲ့ဝင်များနှင့် တာဝန်ရှိသူများက အာဟာရဖြည့်စွက်စာများကို ထောက်ပံ့ ပေးအပ်ခဲ့ကြကြောင်းသိရသည်။
သက်လွင်စိုး ၊အောင်ကျော်စိန်
https://t.me/MyanmarNationalPost
No comments:
Post a Comment