MNP - ဖေဖော်ဝါရီ ၃
ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ဗဟိုပို့ဆောင်ဆက်သွယ်ရေးကျောင်းတွင် ဝန်ထမ်းသစ်(အခြေခံ)သင်တန်း အမှတ်စဉ်(၃/၂၀၂၃)နှင့် ဒု-ရုံပိုင် (အလုပ်သင်)သင်တန်း အမှတ်စဉ်(၃၈/၂၀၂၂)များဆင်းပွဲအခမ်းအနားကို ယနေ့နံနက်က အဆိုပါသင်တန်းကျောင်းရှိအောင်ဆန်းခန်းမတွင် ကျင်းပခဲ့သည်။
သင်တန်းဆင်းပွဲအခမ်းအနားတွင် ကျောင်းအုပ်ဆရာကြီးဦးမင်းချစ်ဦးက သင်တန်းဆင်းအမှာစကားပြောကြားခဲ့ပြီး သင်တန်းတွင်ထူးချွန်စွာအောင်မြင်ကြသူများအားဆုများအသီးသီးပေးအပ်ခဲ့ချီးမြှင့်ခဲ့သည်။ ထို့နောက်ဒုတိယကျောင်းအုပ်ကြီးဒေါ်ခင်သီတာမင်းက သင်တန်းဆင်းလက်မှတ်များအား သင်တန်းသား သင် တန်းသူများအားပေးအပ်ခဲ့ပြီး ကျောင်းအုပ်ဆရာကြီးနှင့်တာဝန်ရှိသူများက သင်တန်းသား သင်တန်းသူများအား လိုက်လံနှုတ်ဆက်ခဲ့ကြကြောင်းသိရသည်။ ၎င်းဝန်ထမ်းသစ် (အခြေခံ)သင်တန်း အမှတ်စဉ် (၃/၂၀၂၃)တွင် သင်တန်းသားသင်တန်းသူ ၁၈ ဦးတက်ရောက်ပြီး သင်တန်းကာလမှ ရက်သတ္တပတ် ၄ ပတ်ကြားမြှင့်ခဲ့ပြီး ဒု-ရုံပိုင်(အလုပ်သင်)သင်တန်း အမှတ်စဉ်(၃၈/၂၀၂၂)ကို သင်တန်းသားသင်တန်းသူ ၄၈ ဦးတက်ရောက်ပြီး သင်တန်းကာလမှာရက်သတ္တပတ် ၃၂ ပတ်ကြာမြှင့်ခဲ့ကြောင်း သိရသည်။
အဆိုပါသင်တန်းဆင်းပွဲအခမ်းအနားကို ဗဟိုပို့ဆောင်ဆက်သွယ်ရေးကျောင်းမှ ကျောင်းအုပ်ကြီး ဦးမင်းချစ်ဦး၊ ဒုတိယကျောင်းအုပ်ကြီး ဒေါ်ခင်သီတာမင်း၊ ညွှန်ကြားရေးမှူးများ၊ ဒုတိယညွှန်ကြားရေးမှူး များနှင့်တာဝန်ရှိသူများ၊ သင်တန်းသား၊သင်တန်းသူများ တက်ရောက်ခဲ့ကြကြောင်း သိရသည်။
သိန်းမြင့်ကျော်
https://t.me/MyanmarNationalPost
No comments:
Post a Comment