MNP - ဖေဖော်ဝါရီ ၁၈
ရှမ်းပြည်နယ်တောင်ပိုင်း၊ နမ့်စန်ခရိုင်၊ မိုးနဲမြို့နယ် ဥယျာဉ်ရပ်ကွက် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၏ နံရံကပ်ပြဘုတ်၌ ယနေ့ကျရောက်သော မြန်မာ-ရုရှား သံတမန်ဆက်ဆံရေး ထူထောင်မှုအထိမ်းအမှတ် မှတ်တမ်းဓာတ်ပုံများကို ယမန်နေ့ ညနေအချိန်က စတင်ပြသခဲ့ကြောင်းသိရသည်။
အဆိုပါနံရံကပ်ပြဘုတ်တွင် မြန်မာ-ရုရှား သံတမန်ဆက်ဆံရေးထူထောင်မှုအထိမ်းအမှတ် နှစ်နိုင်ငံပူးပေါင်းဆောင်ရွက်မှုမှတ်တမ်းဓာတ်ပုံများ၊ နှစ်နိုင်ငံ အကြီးအကဲများတွေ့ဆုံမှုမှတ် တမ်းများပါရှိသည့် မှတ်တမ်းဓာတ်ပုံများပါရှိပြီး ပြည်သူများလာရောက်ကြည့်ရှု လေ့လာခဲ့ကြကြောင်းသိရသည်။
မိုးနဲမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန အနေဖြင့် ရုံးရှေ့မြေစိုက်ပြဘုတ်တွင် နိုင်ငံတော်အစိုးရ၏မူဝါဒများ၊ နိုင်ငံတော်အကြီးအကဲများ၏ လုပ်ငန်းဆောင်ရွက်ချက်များ၊ ထူးခြားဖြစ်စဉ်သတင်းများ၊ အသိပညာပေးအကြောင်းအရာများကို အများပြည်သူသိရှိစေရန် ပြသလျက်ရှိကြောင်းသိရသည်။
ဇင်ကိုကို
https://t.me/MyanmarNationalPost
No comments:
Post a Comment