MNP - ဖေဖော်ဝါရီ ၂၃
ရခိုင်ပြည်နယ်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး လူထုအခြေပြုဗဟိုဌာန Community Centre ခန်းမ၌ ယနေ့မွန်းလွဲ ၁ နာရီအချိန်က ၂၀၂၂ခုနှစ်အတွင်း ထုတ်ပြန်ခဲ့သော အမိန့်/ညွှန်ကြား ချက်များ စာအုပ်ဖြင့် ဝန်ထမ်းများစာဖတ်ဝိုင်း ပြုလုပ်ခဲ့သည်။
စာဖတ်ဝိုင်းဆွေးနွေးပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိဒေါ်ရွှေရည်ဝင်းကျော် ကဝန်ထမ်းများအနေဖြင့် ၂၀၂၂ခုနှစ်အတွင်း ထုတ်ပြန်ခဲ့သော အမိန့်/ညွှန်ကြားချက်များကို သိရှိပြီး လိုက်နာ ဆောင်ရွက်နိုင်ကြစေရန် ရည်ရွယ်၍ စာဖတ်ဝိုင်းကျင်းပရခြင်း ဖြစ်ကြောင်း ဦးစွာပြောကြားသည်။
ဆက်လက်၍ ပြန်ကြားရေးနှင့် ပြည်သူ့ဆက်ဆံရေး ဦးစီးဌာနခွဲက ထုတ်ပြန်သော ညွှန်ကြားချက်များထဲက စာကြည့်တိုက်အတွင်းစနစ်တကျ ခင်းကျင်းထားရှိရန် ညွှန်ကြားခြင်းစာပါ အကြောင်းအရာများကို ဝန်ထမ်းတစ်ဦးချင်း ဖတ်ကြား ဆွေးနွေးခဲ့ကြသည်။ ထို့နောက် ဝန်ထမ်း၏ ဖတ်ကြားဆွေးနွေးချက်များအပေါ် ဦးစီးအရာရှိက ဖြည့်စွက်ဆွေးနွေးပေးခဲ့သည်။
ဝန်ထမ်းများ စာဖတ်ဝိုင်းဆွေးနွေးပွဲကို တစ်လလျှင်(၂) ကြိမ်နှုန်းဖြင့် ဝန်ထမ်းများနှင့်သက်ဆိုင်သည့် စာအုပ်ပါ အကြောင်းအရာ ခေါင်းစဉ်များအလိုက် ဝန်ထမ်းများ စွမ်းဆောင်ရည်တိုးတက်မြင့်မားလာစေရန်ပြုလုပ် ပေးလျက်ရှိသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment