MNP - ဖေဖော်ဝါရီ ၈
ရခိုင်ပြည်နယ် ၊ မြောက်ဦးခရိုင် ၊ မြောက်ဦးမြို့နယ်အတွင်း၌ မီးဘေးအန္တရာယ်ကြိုတင်ကာကွယ် နိုင်ရေးအတွက် ယနေ့ နံနက် ၁၀ နာရီအချိန်က ဆူးရာဇ်ချောင်းကျေးရွာရှိ ဟာလာဆန်စက်များသို့ သွားရောက်၍ ကွင်းဆင်းစစ်ဆေးခဲ့ကြောင်း သိရသည်။
ထို့သို့ဆောင်ရွက်ရာသို့ မြို့နယ်မီးသတ်ဦစီးဌာန မှ ဦးစန်းလွင် ဦးဆောင်၍ မီးသတ်တပ်ဖွဲ့ဝင်များ က မီးဘေးလုံခြုံမှုရှိစေရေးအတွက် မီးသတိပြုရေး၊ လျှပ်စစ်ဝါယာကြိုးများစနစ်တကျသွယ်တန်း ထားမှု ၊ မီးပလပ် ခလုတ်များအား ဟောင်းနွမ်းပျက်စီးနေပါက အသစ်လဲလှယ်တပ်ဆင်ရေး၊ မီး သတ်ပစ္စည်းကိရိယာများဖြစ်သော မီးသတ်ဆေးဘူး၊ မီးသတ်ရေပုံးများ၊ မီးချိတ် ၊ မီးကပ်များ၊ သဲအိတ်များ၊ ရေကန်များ၌ ရေများဖြည့်တင်းကာ အသင့်ထားရှိရန် လိုအပ်ကြောင်း နှင့် မီးဘေး လုံခြုံရေး နှင့် အရေးပေါ်လွတ်မြောက်နိုင်ရေးအတွက် အရေးပေါ်ထွက်ပေါက်များထားရှိရေး ၊ မီး ဘေးအန္တရာယ်ကင်းရှင်းစေရန်အတွက် ဆောင်ရန်/ရှောင်ရန် အချက်များ၊ မတော်တဆမီးလောင် မှုဖြစ်ပွားပါက မီးသတ်ဦးစီးဌာနသို့ အချိန်မှီ ဆက်သွယ်အကြောင်းကြားနိုင်ရန်တို့ကို ရှင်းလင်း ပြောကြား ခဲ့ကြောင်း သိရသည်။
မြင့်စိုး ၊ စိုးငြိမ်းနိုင်
https://t.me/MyanmarNationalPost
No comments:
Post a Comment