MNP - ဖေဖော်ဝါရီ ၂၄
ရခိုင်ပြည်နယ်၊ ပုဏ္ဏားကျွန်းမြို့သို့ အနောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် ထင်လတ်ဦး၏ လမ်းညွှန်မှုဖြင့် နယ်လှည့်ဆေးကုသရေးအဖွဲ့မှ အထူးကုဆရာဝန်ကြီးများက ဖေဖော်ဝါရီလ ၂၇ ရက်မှ မတ်လ ၁ ရက်နေ့အထိ၊ ပုဏ္ဏားကျွန်းမြို့ လောကမာရဇိန်ဘုရားကြီး သိမ်တော်၌(အခမဲ့)ဆေးကုသပေးမည်။
အဆိုပါနယ်လှည့်ဆေးကုသရေးအဖွဲ့တွင် အထူးကုသမားတော်ကြီး၊ ခွဲစိတ်ပါရဂူ၊ ကလေးအထူးကုဆရာဝန်ကြီး၊ အရိုး/အကြောအထူးကုဆရာဝန်၊ မျက်စိ၊ နား၊ နှာခေါင်းအထူးကုဆရာဝန်၊ သွားအထူးကုဆရာဝန်နှင့်အထွေထွေရောဂါ အထူးကုဆရာကြီးများက ECG နှင့် အမ်ထရာဆောင်းစက်တို့ဖြင့် ရောဂါရှာဖွေ စမ်းသပ်ပေးပြီး လိုအပ်သည့်ဆေးဝါးများဖြင့် (အခမဲ့)ဆေးကုသပေးမည်ဖြစ်ကြောင်း
သိရသည်။
ပုဏ္ဏားကျွန်းမြို့နှင့်ဝန်းကျင်ကျေးရွာတို့မှ အဆိုပါနယ်လှည့်ဆေးကုသရေးအဖွဲ့နှင့် ပြသမည့် ဒေသခံပြည်သူ ၁၅၀၀ ဦးခန့် မြို့နယ်အထွေထွေအုပ်ချုပ်ရေးဦးစီးဌာနတွင် ကြိုတင်စာရင်းသွင်းထားကြောင်း မြို့နယ်စီမံအုပ်ချုပ်ရေးအဖွဲ့မှသိရသည်။
နီထွန်းအောင်
https://t.me/MyanmarNationalPost
No comments:
Post a Comment