MNP - ဖေဖော်ဝါရီ ၂၄
ယခင်နှစ်က ရှမ်းပြည်နယ် (တောင်ပိုင်း)၊ ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့နယ်၌ ငရုတ်ပွစိုက်ပျိုးသည့်တောင်သူများမှ စိုက်ပျိုးစရိတ်ကုန်ကျမှု များပြားခဲ့သော်လည်း ငရုတ်ပွသီးနှံများမှာ အလွန်ကောင်းမွန်၍ သီးနှံအရွယ်အစားအလိုက် တစ်ပိဿာလျှင် ငွေကျပ် ၁၅၀၀ မှ ၄၀၀၀ ခန့်အထိရရှိခဲ့ကြောင်း၊ ဈေးကောင်းရရှိခဲ့ကြပြီး မိသားစုစားဝတ်နေရေးနှင့် ဈေးကွက်စီးပွားရေးအတွက် အဆင်ပြေခဲ့မှုတို့ကြောင့် ယခုနှစ်တွင်လည်းငရုတ်ပွသီးနှံစိုက်ခင်းများ ပိုမိုစိုက်ပျိုးလာကြကြောင်း သိရသည်။
ပင်းတယမြို့နယ်အနေနဲ့ စိုက်ပျိုးရေးကိုအဓိကထား အသက်မွေးဝမ်းကြောင်းပြုကြ၍ ရရှိလာ သည့်သီးနှံများကို အောင်ပန်းမြို့ပွဲရုံမှတစ်ဆင့် မြန်မာနိုင်ငံ မြို့ကြီးများသို့ ဖြန့်ဝေရောင်းချကြောင်းနှင့် ယခုအခါ ဇော်ဂျီရေထွက်ချောင်းတစ်လျှောက် စိုက်ပျိုးထားသည့် ငရုတ်ပွစိုက် ခင်းများ အောင်မြင်ဖြစ်ထွန်းလျက်ရှိကြောင်း သိရသည်။
အောင်ကိုဦး
https://t.me/MyanmarNationalPost
No comments:
Post a Comment