MNP - ဖေဖေါ်ဝါရီ ၄
ရခိုင်ပြည်နယ်၊ ရမ်းဗြဲမြို့၌ ၂၀၂၃ ခုနှစ်၊ ဖေဖေါ်ဝါရီလ ၁၂ ရက်နေ့တွင် ကျရောက်မည့် (၇၆)နှစ်မြောက်ပြည်ထောင်စုနေ့ကို ကြိုဆိုဂုဏ်ပြုသောအားဖြင့် အထက်တန်း၊ အလယ်တန်းအဆင့် စာစီစာကုံး၊ ကဗျာနှင့်ပန်းချီ ပြိုင်ပွဲကို ယနေ့ နံနက် ၉ နာရီက အမှတ်(၁) အခြေခံပညာအထက်တန်းကျောင်း၌ ကျင်းပကြသည်။
အဆိုပါ ပြိုင်ပွဲကို အထက်တန်းအဆင့်၌ စာစီစာကုံး၊ ကဗျာနှင့် ပန်းချီ ပြိုင်ပွဲအတွက် တန်ဖိုးထားအပ်သောပြည်ထောင်စုစိတ်ဓာတ် ခေါင်းစဉ်ဖြင့်လည်းကောင်း၊ အလယ်တန်းအဆင့်၌ စာစီစာကုံး၊ ကဗျာနှင့်ပန်းချီပြိုင်ပွဲအတွက် ပြည်ထောင်စုနေ့မြင်ကွင်း ခေါင်းစဉ်ဖြင့်လည်းကောင်း ကျင်းပရာ အထက်တန်းအဆင့်တွင်ပါဝင်ယှဉ်ပြိုင်ကြသည့်ကျောင်းသား/ကျောင်းသူ (၁၈)ဦး ၊ အလယ်တန်းအဆင့်၌ (၃၆)ဦး စုစုပေါင်း ကျောင်းသား/ကျောင်းသူ(၅၄)ဦးပါဝင်ယှဉ်ပြိုင်ကြသည်။
(၇၆)နှစ်မြောက်ပြည်ထောင်စုနေ့ အထိမ်းအမှတ်ဖြစ် ကျင်းပသည့် စာစီစာကုံး၊ ကဗျာနှင့်ပန်းချီပြိုင်ပွဲတွင်ဆုရရှိကြသည့် ကျောင်းသား/ကျောင်းသူများအား (၇၆)နှစ်မြောက်ပြည်ထောင်စုနေ့ အခမ်းအနားတွင်ဆုများချီးမြှင့်ပေးသွားမည်ဖြစ်ကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment