MNP - ဖေဖော်ဝါရီ ၂၃
ရခိုင်ပြည်နယ် တောင်ကုတ်ခရိုင် မာန်အောင်မြို့နယ်မှ၂၀၂၂-၂၀၂၃ပညာသင်နှစ် တက္ကသိုလ်ဝင်စာမေးပွဲ တွင် ကျောင်းသား၊ကျောင်းသူ (၄၂၃)ဦး ဝင်ရောက်ဖြေဆိုမည်ဖြစ်ကြောင်း သိရသည်။
အဆိုပါ တက္ကသိုလ်ဝင်စာမေးပွဲကို မြန်မာနိုင်ငံတစ်ဝန်းတွင် မတ်လ (၈) ရက်နေ့မှ မတ်လ (၁၈)ရက်နေ့အထိ ကျင်းပပြုလုပ်သွားမည်ဖြစ်ရာ မာန်အောင် မြို့နယ်တွင် အ-ထ-ကမာန်အောင်စာစစ်ဌာနနှင့်အ-ထ-က(ခွဲ)စျေးတန်း စာစစ်ဌာန(၂)ခုတို့တွင် ကျောင်းတွင်းဝင်ရောက်ဖြေဆိုကြမည့်ကျောင်းသား၊ကျောင်း သူ (၄၅)ဦး၊ ပြင်ပမှဝင်ရောက်ဖြေဆိုကြမည့် ကျောင်းသား၊ကျောင်းသူ (၃၇၈)ဦး၊ စုစုပေါင်း ကျောင်းသား/သူ(၄၂၃)ဦးဝင်ရောက်ဖြေဆိုကြမည်ဖြစ်သည်။
မာန်အောင်မြို့နယ်၌ယမန်နှစ်က တက္ကသိုလ်ဝင်စာမေးပွဲတွင် စာစစ်ဌာန(၅)ခုသတ်မှတ်၍ ကျောင်းသား/သူ(၁၁၆၃)ဦးဝင်ရောက်ဖြေဆိုခဲ့ရာ(၅၃၇)ဦးအောင်မြင်ခဲ့သဖြင့်အောင်ချက်ရာနှုန်းမှာ၄၆•၁၇ရာခိုင်နှုန်း ရှိခဲ့ကြောင်းမြို့နယ်ပညာရေးမှူးရုံးတာဝန်ရှိသူတစ်ဦးထံမှသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment