MNP - ဖေဖော်ဝါရီ ၃
ရခိုင်ပြည်နယ်အစိုးအဖွဲ့၏ ဦးဆောင်မှုဖြင့် ပေါက်တောမြို့သို့ စစ်တွေမြို့ ကုတင်(၅၀၀)ဆံ့ ပြည်သူ့ဆေးရုံကြီးမှ အထူးကုဆရာဝန်ကြီးများအဖွဲ့ လာရောက်၍ ကျန်းမာရေးစောင့်ရှောက်မှုလုပ်ငန်းများ အခမဲ့ဆေးကုသ ဆောင်ရွက်ခြင်းကို ယနေ့ နံနက် ၁၀ နာရီက မြို့နယ်အထွေထွေအုပ်ချုပ်ရေးဦးစီးဌာန၊ ဗုဒ္ဓသာသနာ့ဓမ္မဗိမာန်တော် နှင့် မြို့နယ်ပြည်သူ့ဆေးရုံးတို့တွင် ဆေးကုသရာ နေရာချထားပြီး ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးသည်။
အဆိုပါ အထူးကုဆရာဝန်ကြီးများအဖွဲ့က သံဃာတော်များ၊သာသနာ့နွယ်ဝင် သီလရှင်များနှင့် ဒေသခံပြည်သူတို့ကို မျက်စိရောဂါ၊သွားနှင့်ခံတွင်းရောဂါ၊ကလေးရောဂါ၊ ခွဲစိတ်ကုသမှုဆိုင်ရာရောဂါ၊ သားဖွား/မီးယပ် ရောဂါ၊အရိုး/အကြော ရောဂါ၊ နား၊နားခေါင်း၊လည်ချောင်းရောဂါ၊ စိတ်ကျန်းမာရေး ရောဂါ၊ အရေပြား ရောဂါ၊ ထွေထွေရောဂါတို့နှင့် ပတ်သက်၍လိုအပ်သည့် ဆေးဝါးကု သမှုများ ဆောင်ရွက်ပေးပြီး ECG စက်ဖြင့် ရောဂါရှာဖွေစမ်းသပ်ပေးသည်။
ထို့သို့ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးနေမှုများကို ရခိုင်ပြည်နယ် အစိုးရအဖွဲ့ ဝန်ကြီးများဖြစ်ကြသည့် သယံဇာတရေးရာဝန်ကြီး ဦးသန်းထွန်း ၊ လမ်းပန်းဆက်သွယ်ရေး ဝန်ကြီး ရဲမှူးကြီး သက်လွင်၊တာဝန်ရှိသူများက သွားရောက်ကြည့်ရှုအားပေး၍ လိုအပ်သည်များကို ညှိနှိုင်ဆောင်ရွက်ပေးပြီး ဆေးဝါးကုသခံယူနေသူများအား ရင်းရင်းနှီးနှီးလိုက်လံနှုတ်ဆက်ကြကြောင်း သိရသည်။
https://t.me/MyanmarNationalPost
No comments:
Post a Comment