MNP - ဖေဖော်ဝါရီ ၃
တနင်္သာရီတိုင်းဒေသကြီး တနင်္သာရီမြို့ နယ်အတွင်းမှအသက်(၅)နှစ်မှ (၁၂)နှစ်အတွင်းရှိ ကျောင်းနေအရွယ်ကလေးများအား (တတိယ) အကြိမ်၊ ကိုဗစ်-၁၉ ရောဂါထပ်ဆောင်း ကာကွယ်ဆေး(Booster Dose) ထိုးနှံပေးခြင်းကို ယမန်နေ့က အထက-မောတောင်ကျောင်း ဆေးထိုးစုရပ်အတွင်း မြို့နယ်ပြည်သူ့ကျန်းမာရေးဦးစီးဌာန ဆရာမများနှင့်ဝန်ထမ်းများက ထိုးနှံပေးကြရာ ပညာရေးဌာနဆရာ/မများက ပူးပေါင်းကူညီပေးကြကြောင်း သိရသည်။
မြို့နယ်ကိုဗစ်-၁၉ရောဂါကာကွယ်ထိန်းချုပ်ကုသရေးနှင့် အရေးပေါ်တုံ့ပြန်ရေးကော်မတီ၏ လမ်းညွှန်မှုဖြင့် အ.ထ.က-မောတောင်ရှိ အသက်(၅)နှစ်မှ(၁၂)နှစ်အတွင်း ကျောင်းသား (၁၅၅) ဦး၊ ကျောင်းသူ(၁၇၁)ဦး၊ စုစုပေါင်း(၃၂၆)ဦးတို့အား (Sinopharm) အမျိုးအစား ကိုဗစ်-၁၉ ရောဂါ ကွယ်ဆေးဖြင့် ထပ်ဆောင်းထိုးနှံပေးနိုင်ခဲ့ကြောင်း၊ ဤမြို့နယ်အတွင်း အသက် (၅နှစ် မှ၁၂)နှစ် အတွင်းအကြိမ်ပြည့်ထိုးနှံပြီးနောက်(၅)လပြည့်ပြီး (တတိယ)အကြိမ် Booster Dose ထိုးနှံရန် ကျောင်းသူ/သားပေါင်း(၂၅၉၅)ဦးရှိရာ ယမန်နေ့အထိ (၁၇၈၉)ဦးကိုထိုးနှံပေး
ပြီးဖြစ်၍ (၈၀၆)ဦးသာ ဆေးထိုးရန်ကျန်ရှိကြောင်း လမ်းညွှန်ချက်များနှင့်အညီ ဆက်လက် ထိုးနှံပေးသွားမည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment