MNP - ဖေဖော်ဝါရီ ၁၄
ရခိုင်ပြည်နယ် ၊ အမ်းခရိုင်၊ အမ်းမြို့ နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအ ခြေပြုဗဟိုဌာန Community Center ခန်းမတွင် စစ်တုရင်အားကစားပြိုင်ပွဲကို ယနေ့ နေ့လယ်(၁၂)
နာရီအချိန်က ကျင်းပပြုလုပ်ခဲ့သည်။
ရှေးဦးစွာ မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီး ဌာနမှ ဦးစီးအရာရှိ ဦးစန်းဝင်းက စစ်တုရင်အားကစားပြိုင်ပွဲကျင်းပပြုလုပ်ပေးခြင်းကြောင့် လူငယ်များအနေဖြင့်စဉ်းစားတွေးခေါ်နိုင်မှုနှင့် ဉာဏ်ရည်ဉာဏ်သွေးကို တိုးတက်စေခြင်း၊ စိတ်ပိုင်းဆိုင်ရာ ကြံ့ခိုင်ခြင်းကို အထောက်အကူပြုစေသည့် အားကစားနည်း တစ်မျိုးဖြစ်ပြီး စာကြည့်တိုက်ရှိ စာအုပ်စာပေများနှင့်ရင်းနှီးမှုရှိစေရန် ကျင်းပပြုလုပ်ပေးခြင်းဖြစ်ကြောင်း ရှင်းလင်းပြောကြားခဲ့သည်။
ထို့နောက် စစ်တုရင်အားကစားပြိုင်ပွဲ ကျင်းပပြုလုပ်ရာ ပြိုင်ပွဲတွင် အလယ် တန်းအဆင့် ကျောင်း သား ၁၀ဦး ဝင်ရောက်ယှဉ်ပြိုင်ကြရာ ဆုရရှိသူများအား ဦးစီးအရာရှိနှင့်တာဝန်ရှိသူများက ဆုများအသီးသီး ပေးအပ်ချီးမြှင့်ခဲ့ကြောင်း သိရသည်။
စိုးမင်းထွန်း
https://t.me/MyanmarNationalPost
No comments:
Post a Comment