MNP - ဖေဖေါ်ဝါရီ ၈
ရခိုင်ပြည်နယ်၊ရမ်းဗြဲမြို့ လူထုအခြေပြုဗဟိုဌာန (Community Centre)ခန်းမ၌ ၂၀၂၃ ခုနှစ် ဖေဖေါ်ဝါရီလ ၁၂ ရက်နေ့တွင်ကျရောက်မည့်(၇၆)နှစ်မြောက်ပြည်ထောင်စုနေ့ကိုဂုဏ်ပြုကြိုဆိုသောအားဖြင့် ယနေ့နံနက် ၉ နာရီက နံရံကပ်စာစောင်ပြပွဲကို ပြုလုပ်ဆောင်ရွက်ကြသည်။
ထိုသို့နံရံကပ်စာစောင် ပြသရာတွင် လူငယ်များဗဟုသုတရရှိစေရန်အတွက် ပြည်ထောင်စုနေ့ဂုဏ်ပြုကဗျာများ၊ ပြည်ထောင်စုနေ့ဆောင်ပုဒ်များ၊ ဗိုလ်ချုပ်အောင်ဆန်း၏ မိန့်ခွန်းကောက်နုတ်ချက်များ၊ ပင်လုံစာချုပ်လက်မှတ်ရေးထိုးခဲ့ကြသည့်ဓာတ်ပုံများနှင့် (၇၆)နှစ်မြောက်ပြည်ထောင်စုနေ့ အမျိုးသားရေးဦးတည်ချက်များဖြင့် ဝေဝေဆာဆာပြသထားရှိသည်။
အဆိုပါ နံရံကပ်စာစောင်ပြပွဲသို့ ကျောင်းသား/ကျောင်းသူများနှင့် ပြည်သူများမှ စိတ်ပါဝင်စားစွာ လာရောက်ကြည့်ရှုလျက်ရှိကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment