MNP - ဖေဖော်ဝါရီ ၂၃
ရခိုင်ပြည်နယ် မောင်တောခရိုင်၊ မောင်တောမြို့တွင် ၂၀၂၂ -၂၀၂၃ ပညာသင်နှစ်၊ (Grade-5)နှင့် (Grade-9) ကျောင်းသားကျောင်းသူများ နောက်ဆုံးစာမေးပွဲ အင်္ဂလိပ်စာဘာသာအား ယနေ့ နံနက် ၉ နာရီအချိန် သက်ဆိုင်ရာ ကျောင်းများတွင် ဖြေဆိုလျက်ရှိ ကြောင်း သိရသည်။
အဆိုပါ ၂၀၂၂-၂၀၂၃ ပညာသင်နှစ် မောင်တောမြို့နယ်အတွင်း အခြေခံပညာကျောင်းများတွင် (Grade-9) အလယ်တန်းအဆင့် နှစ်ဆုံးစာမေးပွဲကို စာစစ်ဌာန ၁၈ ခုဖွင့်လှစ်၍ စာရင်းရှိ ကျောင်းသား (၇၅၅)ဦး နှင့် ကျောင်းသူ (၃၅၂)ဦး စုစုပေါင်း (၁၁၀၇)ဦး ရှိသည့်အနက် ယနေ့ အင်္ဂလိပ်စာဘာသာအား လာရောက်ဖြေဆိုသူ ကျောင်း သား(၆၈၂)ဦး နှင့် ကျောင်းသူ(၃၃၇) ဦး စုစုပေါင်း(၁၀၁၉)ဦး ဝင်ရောက်ဖြေဆိုခဲ့ကြပြီး ဖြေဆိုရန်ပျက်ကွက်သူ စုစုပေါင်း (၈၈)ဦး ပျက် ကွက်ခဲ့ကြသဖြင့် ပျက်ကွက် ရာခိုင် နှုန်းမှာ(၇ ဒဿမ ၉၅)ဖြစ်ကြောင်း တစ်နေ့လျှင် တစ်ဘာသာနှုန်းဖြင့် မတ်လ ၁ ရက်နေ့ထိ စစ်ဆေး ဖြေဆို ကြရမည် ဖြစ် ကြောင်း သိရသည်။
ထို့အတူ ၂၀၂၂-၂၀၂၃ ပညာသင်နှစ် မောင်တောမြို့နယ်အတွင်း အခြေခံပညာကျောင်းများတွင် မူလတန်း အဆင့် (Grade-5) နှစ်ဆုံးစာမေးပွဲကို ကျင်းပပြုလုပ်လျက်ရှိရာ ယနေ့ အင်္ဂလိပ်စာဘာသာအား ဘာသာအား လာရောက် ဖြေဆို သူ ၁၉၃၃ ဦး ရှိပြီး ပျက်ကွက်မှာ ၂၆၂ ဦးဖြစ်ကြောင်း နှင့် ပျက်ကွက်ရာခိုင်နှုန်းမှာ ၁၁ ဒဿမ ၉၄ ဖြစ်ကြောင်း မြို့နယ် ပညာရေးမှူး ရုံးမှ သိရသည်။
သက်လွင်စိုး၊အောင်ကျော်စိန်
https://t.me/MyanmarNationalPost
No comments:
Post a Comment