MNP - ဖေဖော်ဝါရီလ ၂၃
ကရင်ပြည်နယ်၊ သံတောင်ကြီးမြို့နယ်၊ လိပ်သိုမြို့ အခြေခံပညာအထက်တန်းကျောင်း၌ မူလတန်းအဆင့်တွင် Grade-5 နှင့် အလယ်တန်းအဆင့်တွင် Grade-9 အတန်းများ ၂၀၂၂-၂၀၂၃-ခုနှစ် ပညာသင်နှစ် နှစ်ဆုံးစာမေးပွဲများကို ဖေဖော်ဝါရီလ ၂၂ ရက်နေ့မှစ၍ စတင်ဖြေဆိုရာ ကျောင်းသား/ကျောင်းသူများ အေးချမ်းစွာဖြေဆိုလျက်ရှိကြောင်း သိရသည်။
လိပ်သိုမြို့ အခြေခံပညာအထက်တန်းကျောင်းတွင် ခရိုင်စစ် Grade-5 ကျောင်းသား/ ကျောင်းသူ(၂၉)ဦးနှင့် ပြည်နယ်စစ် Grade-9 ကျောင်းသား/ကျောင်းသူ(၅၈)ဦးတို့က ဖေဖော်ဝါရီလ ၂၂ ရက်နေ့မှ မတ်လ(၁) ရက်နေ့အထိ ဖြေဆိုသွားမည်ဖြစ်ကြောင်း သိရသည်။
ကျောင်းသား/ကျောင်းသူများနှင့် နှစ်ဆုံးစာမေးပွဲများကို အေးချမ်းစွာဖြေဆိုနိုင်ရန် ကျောင်းအုပ်ဆရာမကြီး၏ကြီးကြပ်မှုဖြင့် တာဝန်ကျ ဆရာ/ဆရာမများက အနီးကပ်ကြီးကြပ်ဆောင်ရွက်ပေးလျက်ရှိပြီး ကျောင်းအကျိုးတော်ဆောင်များနှင့် ကျောင်းသားမိဘများက လုံခြုံရေးကိစ္စရပ်များအား ကူညီဆောင်ရွက်ပေးလျက်ရှိကြောင်း သိရသည်။
ခင်လေးနွယ်
https://t.me/MyanmarNationalPost
No comments:
Post a Comment