MNP - ဖေဖော်ဝါရီ ၂၃
ရခိုင်ပြည်နယ်၊ ကျောက်ဖြူမြို့နယ်၌ ၂၀၂၂- ၂၀၂၃ ပညာသင်နှစ်အတွက်(Grade- 5) နှင့်(Grade -9) နှစ်ဆုံးစာမေးပွဲ အင်္ဂလိပ်စာဘာသာရပ်ကို ယနေ့နံနက် ၉ နာရီကစတင်ကာ သက်ဆိုင်ရာစာစစ်ဌာန ကျောင်းများအလိုက်ကျင်းပပြုလုပ်လျက်ရှိရာ ကျောင်းသား၊ ကျောင်းသူများမှ အေးချမ်းစွာဖြင့် ဝင်ရောက် ဖြေဆို လျက်ရှိ သည်။
ကျောက်ဖြူမြို့နယ်တွင် အခြေခံပညာကျောင်း(၂၄၈)ကျောင်း၊ ကိုယ်ပိုင်ကျောင်း(၂)ကျောင်းနှင့် ဘုန်း တော်ကြီးသင်ပညာရေး(၅)ကျောင်း စုစုပေါင်း(၂၅၅)ကျောင်းရှိရာ အခြေခံပညာမူလတန်းအဆင့် ခရိုင်စစ် Grade- 5 (သင်ရိုးသစ်) စာမေးပွဲကို စာစစ်ဌာန (၉၅)ခု ဖွင့်လှစ်၍ ဖေဖော်ဝါရီလ ၂၂ ရက်မှ ၂၈ ရက်နေ့အထိ နံနက် ၉ နာရီမှစတင်ကာ ကျင်းပပြုလုပ်လျက်ရှိပြီး ဒုတိယနေ့ အင်္ဂလိပ်စာဘာသာရပ်ကို ကျောင်းသား၊ ကျောင်းသူ ၄၁၃၃ ဦးတို့မှလည်းကောင်း၊ အခြေခံပညာအလယ်တန်းအဆင့် ပြည်နယ်စစ် Grade- 9 (သင်ရိုးဟောင်း) စာမေးပွဲကို စာစစ်ဌာန(၉၃)ခုဖွင့်လှစ်၍ ဖေဖော်ဝါရီလ ၂၂ ရက်နေ့မှ မတ်လ ၁ ရက်နေ့ထိ နံနက် ၉ နာရီမှစတင်ကာ ကျင်းပပြုလုပ်လျက်ရှိပြီး ဒုတိယနေ့ အင်္ဂလိပ်စာဘာသာရပ်ကို ကျောင်းသား၊ ကျောင်းသူ ၂၂၃၃ ဦးတို့မှလည်းကောင်း အေးချမ်းစွာဖြင့်ဝင်ရောက်ဖြေဆိုလျက်ရှိကြောင်း မြို့နယ်ပညာ ရေးမှူးရုံးမှ သိရသည်။
အဆိုပါ စာမေးပွဲကို ကျောင်းသားကျောင်းသူများ အေးချမ်းစွာဖြေဆိုနိုင်ရန် မြို့နယ်ပညာရေးမှူး၏ ကြီးကြပ်မှုဖြင့် စာစစ်ဌာနကြီးကြပ်ရေးမှူးများနှင့်သက်ဆိုင်ရာကျောင်းများမှ တာဝန်ကျဆရာဆရာမများက အနီးကပ်ကြီးကြပ်ဆောင်ရွက်ပေးလျက်ရှိကြောင်းသိရသည်။
တင်ထွန်းဦး
https://t.me/MyanmarNationalPost
No comments:
Post a Comment