MNP - ဖေဖော်ဝါရီ ၂၂
ရခိုင်ပြည်နယ်၊ ရသေ့တောင်မြို့နယ်၌ ၂၀၂၂- ၂၀၂၃ ပညာသင်နှစ်အတွက်(Grade- 5) နှင့်(Grade -9) နှစ်ဆုံးစာမေးပွဲကို ဖေဖော်ဝါရီ ၂၂ ရက်နံနက် ၉ နာရီကစတင်ကာ သက်ဆိုင်ရာစာစစ်ဌာန ကျောင်း များအလိုက်ကျင်းပပြုလုပ်လျက်ရှိရာ ကျောင်းသား၊ ကျောင်းသူများမှ အေးချမ်းစွာဖြင့် စတင်ဖြေဆိုလျက်ရှိ သည်။
ရသေ့တောင်မြို့နယ်တွင် အခြေခံပညာကျောင်း(၁၇၄ )ကျောင်းရှိရာ အခြေခံပညာမူလတန်းအဆင့် ခရိုင်စစ် Grade- 5 (သင်ရိုးသစ်) စာမေးပွဲကို စာစစ်ဌာန (၉၈)ခု ဖွင့်လှစ်၍ ဖေဖော်ဝါရီလ ၂၂ ရက်မှ ၂၈ ရက်နေ့အထိ နံနက် ၉ နာရီမှစတင်ကာ ကျင်းပပြုလုပ်လျက်ရှိပြီး ပထမနေ့ မြန်မာစာဘာသာရပ်ကို ကျောင်းသား၊ ကျောင်းသူ ၃၇၇၀ဦးတို့မှလည်းကောင်း၊ အခြေခံပညာအလယ်တန်းအဆင့် ပြည်နယ်စစ် Grade- 9 (သင်ရိုးဟောင်း) စာမေးပွဲကို စာစစ်ဌာန(၇၁)ခုဖွင့်လှစ်၍ ဖေဖော်ဝါရီလ ၂၂ ရက်နေ့မှ မတ်လ ၁ ရက်နေ့ထိ နံနက် ၉ နာရီမှစတင်ကာ ကျင်းပပြုလုပ်လျက်ရှိပြီး ပထမနေ့ မြန်မာစာဘာသာရပ်ကို ကျောင်းသား၊ ကျောင်းသူ ၂၀၃၅ ဦးတို့မှလည်းကောင်း အေးချမ်းစွာဖြင့်ဝင်ရောက်ဖြေဆိုလျက်ရှိကြောင်း မြို့နယ်ပညာရေးမှူးရုံးမှ သိရ သည်။
အဆိုပါ စာမေးပွဲကို ကျောင်းသားကျောင်းသူများ အေးချမ်းစွာဖြေဆိုနိုင်ရန် မြို့နယ်ပညာရေးမှူး၏ ကြီးကြပ်မှုဖြင့် စာစစ်ဌာနကြီးကြပ်ရေးမှူးများနှင့်သက်ဆိုင်ရာကျောင်းများမှ တာဝန်ကျဆရာဆရာမများက အနီးကပ်ကြီးကြပ်ဆောင်ရွက်ပေးလျက်ရှိကြောင်းသိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment