MNP ၊ ဖေဖော်ဝါရီ ၂၃
စစ်ကိုင်းတိုင်းဒေသကြီး၊ မုံရွာမြို့နယ်၊ ရန်ကင်းရပ်ကွက်ရှိ mobile 1 ဖုန်းဆိုင်အား ယမန်နေ့ ညနေ ၄နာရီခွဲဝန်းကျင် အချိန် PDF အကြမ်းဖက်သမားများက ဓားပြတိုက်ပြီး လက်ပစ်ဗုံးဖြင့် ပစ်ခတ် ထွက်ပြေးသွားကြောင်း သိရသည်။
မုံရွာမြို့၊ ရန်ကင်းရပ်ကွက် ကျောက္ကာလမ်းရှိ mobile 1 ဖုန်းဆိုင်သို PDF အကြမ်းဖက်သမား ၂ဦးက လက်ပစ်ဗုံး ၂ လုံးအား ကိုင်ဆောင်၍ ရောက်ရှိလာပြီး ဆိုင်ဝန်ထမ်းများအား အော်ဟစ်ဆဲဆို ခြိမ်းခြောက်ကာ ဆိုင်ကောင်တာရှိ ဖုန်း ၁၅ လုံးနှင့် ဖုန်းရောင်းရငွေ ၅ သိန်း ကျပ်ခန့်အား အိတ်အမဲထဲသို့ စုထည့်ယူဆောင်၍ ဆိုင်အတွင်းရှိ ဖုန်းပြုပြင်ရေး Service ခန်းအတွင်းသို့ လက်ပစ်ဗုံး ၁ လုံးအား ပစ်ချဖောက်ခွဲကာ ဖုန်းဆိုင်နောက်ကျော လူနေအိမ်လမ်းကြားမှတဆင့် ထွက်ပြေးသွားကြောင်း သိရသည်။
PDF အကြမ်းဖက်သမားများ ထွက်ပြေးသွားသော လမ်းကြားအတွင်း၌ လုံခြုံရေးအဖွဲ့ဝင်များမှ သွားရောက်စစ်ဆေးခဲ့ရာ ဖုန်းဆိုင်မှ ယူဆောင်သွားသည့် ဖုန်း ၁၅ လုံးနှင့် ငွေ ၅ သိန်းကျပ်တို့ထည့်ထားသည့် အိတ်အမဲအားပြန်လည် တွေ့ရှိခဲ့ ကြောင်း၊ PDF အကြမ်းဖက်သမားများ၏ လက်ပစ်ဗုံး ပစ်ခတ်မှုကြောင့် အပြစ်မဲ့ပြည်သူ ၄ ဦးမှာ ဗုံးစထိမှန် ဒဏ်ရာများ ရရှိခဲ့ပြီး တာဝန်ရှိသူများက လူမှုကူညီရေးယာဉ်ဖြင့် မုံရွာပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
#MyanmarNationalPost
No comments:
Post a Comment