MNP - ဖေဖော်ဝါရီ ၂၀
မွန်ပြည်နယ်၊ပေါင်မြို့နယ်တွင် အမျိုးသမီးအကြမ်းဖက်မှုကာကွယ်တားဆီးရေးဆိုင်ရာ အသိပညာပေး(Talk Show) ပြုလုပ်ခြင်းကို ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမ၌ ယနေ့ နံနက်ပိုင်းကပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်တင်ဇာစိုးက ( Talk Show) ပြုလုပ်ရခြင်း၏ရည်ရွယ်ချက်ကိုပြောကြားသည်။
ထို့နောက် ပေါင်မြို့နယ် ဒုတိယဥပဒေအရာရှိ ဒေါ်ဝေဝေမွန် က အမျိုးသမီးများကိုအကြမ်းဖက်မှုဖြစ်ပေါ်လာတဲ့အကြောင်းအရာများ၊စိတ်ပိုင်းဆိုင်ရာ ၊ ရုပ်ပိုင်းဆိုင်ရာအကြမ်းဖက်မှုများ၊အကြမ်းဖက်ခံရသည့်အမျိုးသမီးများကို သက်ဆိုင်ရာဌာနများမှကာကွယ်စောင့်ရှောက်ရေးလုပ်ငန်းများအပြင်၎င်းတို့၏စိတ်ပိုင်းဆိုင်ရာများ၊ရုပ်ပိုင်းဆိုင်ရာများကိုလည်းပြုစုပျိုးထောင်ပေးခြင်းများ၊အလုပ်အကိုင်အခွင့်အလမ်းများရရှိစေရန် အိမ်တွင်းလက်မှုလုပ်ငန်းများသင်ကြားပေးခြင်းများအပြင် အမျိုးသမီးများကိုကာကွယ်စောင့်ရှောက်ရန်လူတိုင်း တာဝန်သိစိတ်ဖြင့် ဝိုင်းဝန်းကူညီစောင့်ရှောက်ကြဖို့လိုအပ်ပါကြောင်း ဆွေးနွေးခဲ့ကြောင်း သိရသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန အနေဖြင့် ( Talk Show) ပြုလုပ်ခြင်းဖြင့် ပြည်သူများအသိပညာများတိုးပွားစေရန်ရည်ရွယ်ပါသည်။
https://t.me/MyanmarNationalPost
No comments:
Post a Comment