MNP - ဖေဖော်ဝါရီ ၂၀
ရန်ကုန်တိုင်းဒေသကြီး၊ တွံတေးမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မူးယစ်ဆေးဝါးအန္တရာယ်ဆိုင်ရာ အသိပညာပေး Talk Show ကို ယနေ့နံနက် ၁၀ နာရီကမြို့နယ် ပြည်သူ့စာကြည့်တိုက်ရှိ ( Community Centre)၌ ကျင်းပခဲ့ကြောင်း သိရသည်။
တွံတေးမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ပြည်သူများ အသိပညာဗဟုသုတ ရရှိစေရန်ရည်ရွယ်၍ Online မှတစ်ဆင့် အသိပညာပေး အစီအစဉ်များကို စဉ်ဆက်မပြတ် ဆောင်ရွက်ပေးလျက်ရှိရာ ယနေ့တွင် မူးယစ်ဆေးဝါးအန္တရာယ် အသိပညာပေး
Talk Show ကိုမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဒေါ်ဖြူဖြူဝင်းနှင့် မြို့နယ်မိခင်နှင့်ကလေးစောင့်ရှောက်ရေးအသင်း၊ မြို့နယ်အမှုဆောင် ဒေါ်အေးကျင်တို့က မူးယစ်ဆေးဝါး အမျိုးအစားများ၊ မူးယစ်ဆေးဝါးသုံးစွဲခြင်း၏ ဆိုးကျိုးများနှင့် မူးယစ်ဆေး ဝါးသုံးစွဲခြင်းကြောင့် လူမျိုးပြုန်းတီးနိုင်ကြောင်း၊ နိုင်ငံတစ်နိုင်ငံတွင် လူငယ်များသည် အရေးကြီးပါကြောင်း၊ လူငယ်များမူးယစ်ဆေးဝါး၏ သားကောင်ဖြစ်သွားမည်ဆိုပါက နိုင်ငံရဲ့အနာဂတ်ပျက်စီးသွားမှာဖြစ်ပြီး နိုင်ငံ၏ အချုပ်အခြာအာဏာကို ထိခိုက်နိုင်သည့်အတွက် နိုင်ငံတော်နှင့်လူငယ်များ အနာဂတ်ကောင်းမွန်စေရေး လူငယ်များအနေဖြင့် မူးယစ်ဆေးဝါးကို ရှောင်ရှားကြရန် ပညာပေးဆွေးနွေးခဲ့သည်။
မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးမှ ရိုက်ကူးထုတ်လွှင့်သည့်အဆိုပါ Talk Show အပြည့်အစုံကို တွံတေးမြို့နယ် ပြည်သူ့စာကြည့်တိုက် Facebook page တွင် ဝင်ရောက်ကြည့်ရှုနိုင်ကြောင်း သိရသည်။
https://t.me/MyanmarNationalPost
No comments:
Post a Comment