MNP ၊ မတ် ၂၇
ရှမ်းပြည်နယ်(မြောက်ပိုင်း) တန့်ယန်းခရိုင်၊ တန့်ယန်းမြို့နယ်တွင် အောင်မြတ်ငွေစုငွေချေး သမဝါယမအသင်းလီမိတက်၏ ၂၀၂၁-၂၀၂၂ (၆)လတာကာလ ဘဏ္ဍာရေးနှစ်အတွက် နှစ်ပတ်လည်အရပ်ရပ်ဆိုင်ရာ အစည်းအဝေးကို မတ်လ ၂၆ ရက်နေ့ မွန်းလွဲ ၁ နာရီက မြို့နယ်သမဝါယမဦးစီးဌာနရုံး၌ ကျင်းပသည်။
အခမ်းအနားတွင် သဘာပတိ အောင်မြတ် ငွေစုငွေချေးသမဝါယမအသင်းလီမိတက် ဥက္ကဌ ဦးစိုင်း ထွန်းကျော်က အဖွင့်အမှာစကား ပြောကြားပြီး မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ်အုပ်ချုပ်ရေးမှူး ဦးစိုးမင်းထက်က အမှာစကားပြောကြားသည်။
ယင်းနောက် မြို့နယ်သမဝါယမဦးစီးဌာန မြို့နယ်ဦးစီးအရာရှိ ဦးအောင်မင်းက ငွေစုငွေချေးအသင်းများ၏ လုပ်ငန်းဆိုင်ရာများအကြောင်းကို ရှင်းလင်းပြောကြားကာ အောင်မြတ်ငွေစုငွေချေးသမဝါယမအသင်း လီမိတက်၏ ၂၀၂၁-၂၀၂၂ (၆)လတာကာလ ဘဏ္ဍာရေးနှစ်အတွက် အမှုဆောင်အစီရင်ခံစာနှင့် ဘဏ္ဍာရေး ရှင်းတမ်းကို အတွင်းရေးမှူး ဒေါ်ခင်မာဦးက ရှင်းလင်းတင်ပြ၍ သဘာပတိမှ အတည်ပြုချက်ရယူသည်။
ထို့နောက် အသင်းသားများ၏ သိရှိလိုသည်များနှင့် အကြံပြုချက်ကို ဆွေးနွေးကြပြီး သဘာပတိမှ နိဂုံးချုပ်စကားပြောကြားခဲ့ကြောင်း သိရသည်။
မင်းလွင်ဦး
https://t.me/MyanmarNationalPost
No comments:
Post a Comment