MNP ၊ မတ် ၂၉
ပြည်ထောင်စုသမ္မတမြန်မာနိုင်ငံတော်အစိုးရ၊ သာသနာရေးနှင့်ယဉ်ကျေးမှုဝန်ကြီးဌာန၊ သာသနာရေးဉီးစီးဌာန ၊ ၂၀၂၃ ခုနှစ်၊ အစိုးရပါဠိပထမပြန် စာမေးပွဲကြီးအား ယနေ့ မွန်းတည့် ( ၁၂ ) နာရီက မန္တလေးတိုင်းဒေသကြီး၊ ပြင်ဉီးလွင်မြို့၊ ရပ်ကွက်ကြီး (၂) ရှိ သံဃသာမဂ္ဂီမဟာပဝါရဏာသိမ်တော်ကြီး၌ စာမေးပွဲစည်းကမ်းချက်များနှင့်အညီ ကျင်းပပြုလုပ်လျက်ရှိသည်။
ပြင်ဉီးလွင်မြို့နယ်အတွင်း ယခုနှစ် အစိုးရ ပါဠိပထမပြန် စာမေးပွဲကြီးတွင် ပထမကြီးတန်း (၆၂ ) ပါး ၊ ပထမလတ်တန်း ( ၇၈ ) ပါး ၊ ပထမငယ်တန်း ( ၁၉၆ ) ပါး နှင့် မူလတန်း ( ၃၃၆ ) ပါး ၊ စုစုပေါင်း ( ၆၇၂ ) ပါး စာရင်းရှိပြီး ( ၂၈ - ၃ - ၂၀၂၃ ) ရက်နေ့တွင် ဝင်ရောက်ဖြေဆိုသည့် ဆရာတော် ၊ သီလရှင်နှင့် လူပုဂ္ဂိုလ် ပထမကြီးတန်း ( ၅၄ ) ပါး ၊ ပထမလတ်တန်း ( ၆၄ ) ပါး ၊ပထမငယ်တန်း ( ၁၆၀ ) ပါးနှင့် မူလတန်း ( ၂၆၆ ) ပါး ၊ စုစုပေါင်း ( ၅၄၄ ) ပါး ဖြေဆိုလျက်ရှိကြသည် ။
ဆက်လက်ပြီး ပြင်ဉီးလွင်တပ်နယ်မှ တပ်နယ်မှူးနှင့် အရာရှိစစ်သည်များ၊ ခရိုင်စီမံအုပ်ချုပ်ရေးအဖွဲ့ဉက္ကဋ္ဌနှင့် အဖွဲ့ဝင်များ ၊ မြို့နယ်စီမံအုပ်ချုပ်ရေးအဖွဲ့ဉက္ကဋ္ဌနှင့် အဖွဲ့ဝင်များ ၊ တာဝန်ရှိသူများနှင့် အလှူရှင်များက ဩဝါဒါစရိယဆရာတော်ကြီးများ၊ အထူးကြီးကြပ်ရေး ဆရာတော်များ၊ ကြီးကြပ်ရေးအဖွဲ့ဆရာတော်များ ၊ စာဖြေဆရာတော် သံဃာတော်များ ၊ သီလှရှင်များ နှင့် လူပုဂ္ဂိုလ်တို့အား လှူဖွယ်၀တ္တုများနှင့် အအေးတို့ ဆက်ကပ်လှူဒါန်းခဲ့ကြပြီး အဆိုပါ ၂၀၂၃ ခုနှစ် ၊ အစိုးရပါဠိပထမပြန် စာမေးပွဲကြီးကို ( ၂၈ - ၃ - ၂၀၂၃ ) ရက်နေ့မှ ( ၃ - ၄ - ၂၀၂၃ ) ရက်နေ့အထိ ဆက်လက်ဖြေဆိုမည်ဖြစ်ပါကြောင်း တာဝန်ရှိသူတစ်ဉီး၏ ပြောကြားချက်အရ သိရသည်။
https://t.me/MyanmarNationalPost
No comments:
Post a Comment