MNP ၊ မတ် ၃၀
ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်တွင် ပခန်းရွှေဝါမျိုးစပါး စံကွက်ရိတ်သိမ်းပွဲကို ယနေ့ နံနက် ၁၀ နာရီက ကျုံတုံးကြီး ကျေးရွာအုပ်စု တောင်သူ ဦးသန်းဇော်၏ ကွင်းအမှတ် (၅၃၄/က)၊ ဦးပိုင်အမှတ် (N/ ၆) လယ်ယာမြေ (၃.၉၃) ဧကတွင် ပြုလုပ်ခဲ့သည်။
အဆိုပါ စံကွက်ရိတ်သိမ်းပွဲသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ မြို့နယ်စိုက်ပျိုးထုတ်လုပ်မှု တိုးတက်မြင့်မားရေး ကြီးကြပ်မှုကော်မတီဥက္ကဋ္ဌ ဦးနိုင်ဝင်း၊ မြို့နယ်စိုက်ပျိုးထုတ်လုပ်မှုတိုးတက် မြင့်မားရေးကြီးကြပ်မှုကော်မတီ အဖွဲ့ဝင်များနှင့် ဒေသခံတောင်သူများ တက်ရောက်ခဲ့ကြပြီး ကျုံတုံးကြီးကျေးရွာအုပ်စု တောင်သူဦးသန်းဇော်၏ လယ်ယာမြေစံကွက်ရိတ်သိမ်းရာ တစ်ဧကလျှင်စပါး (၁၂၄) တင်းထွက်ရှိကြောင်း သိရသည်။
ထို့နောက် မြို့နယ်စိုက်ပျိုးထုတ်လုပ်မှု တိုးတက်မြင့်မားရေး ကြီးကြပ်မှုကော်မတီအဖွဲ့ဝင်များက ဒေသခံတောင်သူများအား သီးနှံအထွက်နှုန်း တိုးတက်မြင့်မားရေးအတွက် နည်းစနစ်မှန်ကန်စွာ စိုက်ပျိုးနိုင်ရေး စသည့် ကိစ္စရပ်များအား ဆွေးနွေးပြောကြားခဲ့ကြောင်း သိရသည်။
ပြည့်ဖြိုးကျော်
https://t.me/MyanmarNationalPost
No comments:
Post a Comment