MNP ၊ မတ် ၁၇
မန္တလေးတိုင်းဒေသကြီး ၊ ပြင်ဦးလွင်ခရိုင်၊ ပြင်ဦးလွင်မြို့နယ် ကျေးလက်လမ်းဖွံ့ဖြိုးရေးဦးစီးဌာနအနေဖြင့် ကျေးလက်လမ်းများအား ဖြတ်သန်းသွားလာအသုံးပြုနေကြသော ကျေးလက်နေ ပြည်သူများ ယာဉ်အန္တရာယ်၊ လမ်းအန္တရာယ်ကင်းရှင်းစေရန် ရည်ရွယ်၍ ကျေးလက်လမ်းများတွင် အန္တရာယ်အသိပေး ၊ သတိပေးလမ်းညွှန်ဆိုင်းဘုတ်များအား ၂၀၂၂-၂၀၂၃ ဘဏ္ဍာရေးနှစ်အတွင်း ကျေးလက်လမ်း (၂၂) ခု၌ လမ်းအန္တရာယ်သတိပေးဆိုင်းဘုတ် စုစုပေါင်း (၅၀) စိုက်ထူဆောင်ရွက်သွားမည်ဖြစ်ကြောင်း သိရသည်။
လက်ရှိတွင် မန္တလေး-လားရှိုးလမ်းမှ ဇီးပင်ကြီး မီးသတ်သင်တန်းကျောင်းလမ်း၊ ပြင်စာ- လွန်ကောင်းလမ်း၊ ညောင်နီ- ပိန္နဲကုန်းလမ်း၊ ပိန္နဲကုန်း- အင်းကြီးလမ်း၊ ကံကြီးကုန်း-စည်ကား - ဝါးဘိုးရေလမ်း အစရှိသည့် ကျေးလက်လမ်း ၁၉ ခုအား လမ်းအန္တရာယ် သတိပေး ဆိုင်းဘုတ်များ တပ်ဆင်ပြီးဖြစ်ကြောင်းနှင့် ကျန်ရှိသည့် ကျေးလက်လမ်းများအားလည်း လျာထားချက်နှင့်အညီ ပြီးစီးအောင် ပြင်ဦးလွင်မြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ဆက်လက်ရွက်သွားမည်ဖြစ်ကြောင်း တာဝန်ရှိသူတစ်ဦး၏ ပြောကြားချက်အရ သိရသည်။
ဖြူလူသစ်
https://t.me/MyanmarNationalPost
No comments:
Post a Comment