MNP ၊ မတ် ၂၈
ရခိုင်ပြည်နယ် ၊ အမ်းခရိုင်၊ အမ်းမြို့နယ်၌ သာသနာရေးနှင့်ယဉ်ကျေးမှုဝန်ကြီးဌာန ၊ သာသနာရေးဦးစီးဌာနကကြီးမှူး၍ နှစ်စဉ်ကျင်းပပြုလုပ်သော ပါဠိပထမပြန်စာမေးပွဲကို မြတ်စွယ်တော်ဓမ္မာရုံ၌ ယနေ့နေ့လယ်(၁၂)နာရီအချိန်မှ ညနေ(၃)နာရီ အထိ ကျင်းပလျက်ရှိကြောင်းသိရသည်။
ပါဠိပထမပြန်စာမေးပွဲ ပထမနေ့တွင် သံဃာ/လူ ပထမကြီးတန်း (၄)ပါး၊ ပထမလတ်တန်း(၃)ပါး၊ပထမငယ်တန်း(၄)ပါး၊အခြေပြုမူလတန်း(၁၂)ပါး ရှိသည့်အနက် (၂၀)ပါးဖြေဆိုခဲ့ပြီး ပျက်ကွက် (၃)ပါးရှိကြောင်း မြို့နယ်သာသ နာရေးဦးစီးဌာနမှသိရသည်။
ပါဠိပထမပြန်စာမေးပွဲဖြေဆိုရာ တွင် အဆင်ပြေစေရန်အတွက် ခရိုင်စီမံအုပ်ချုပ်ရေးအဖွဲ့ ဥက္ကဌ ဦးအောင်ဇော်ထက်နှင့်အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးစိုးမင်းထက်နှင့် အဖွဲ့ဝင်များ၊ခရိုင်/မြို့နယ်အဆင့်ဌာနဆိုင်ရာတာဝန်ရှိသူများ၊ ရပ်ကွက်ကျေးရွာအုပ်ချုပ်ရေးမှူးများနှင့်အလှူရှင်များက ဆွမ်းဘောဇဉ်အဟာရများလှူဒါန်းလျက်ရှိကြောင်းသိရှိရသည်။
စိုးမင်းထွန်း
https://t.me/MyanmarNationalPost
No comments:
Post a Comment