MNP ၊ မတ် ၃၀
သာသနာရေးနှင့်ယဉ်ကျေးမှုဝန်ကြီး ဌာနက ကြီးမှူးကျင်းပသော ၂၀၂၃ ခု၊ အစိုးရ ပဠိပထမပြန်စာမေးပွဲကို ရခိုင်ပြည်နယ်၊ ပုဏ္ဏားကျွန်းမြို့ လောကမာရဇိန်ဘုရားသိမ်တော်၌ ယနေ့၊ နေ့လယ်(၁၂)နာရီကစ၍ အဘိဓမ္မတ္ထသင်္ဂဟဘာသာရပ်အား ရဟန်း၊ သာမဏေ ၁၇ ပါးတို့က စိတ်အေးချမ်းသာစွာဖြင့် ဆက်လက်ဖြေဆိုလျက်ရှိသည်။
အစိုးရပါဠိပထမပြန်စာမေးပွဲတွင် ဖြေဆိုခွင့်စာရင်းရှိ ရဟန်း၊ သာမဏေ ၂၀ ပါးအနက်၊ အခြေပြုမူလတန်းတွင် စာရင်းရှိ ၁ ပါးနှင့်ပထမအလတ်တန်းတွင် စာရင်းရှိ ၂ ပါး ဖြေဆိုမှု ပျက်ကွက်ခဲ့ပြီး၊ ပထမ အကြီးတန်းတွင် ၆ ပါး၊ ပထမအငယ်တန်းတွင် ၁၁ ပါးတို့က ယနေ့၊ အဘိဓမ္မတ္ထသင်္ဂဟဘာသာရပ်ကို ဆက်လက်ဖြေဆိုခဲ့ကြသည်။
အဆိုပါစာမေးပွဲတွင် စာဖြေ ရဟန်း၊ သာမဏေများ စိတ်အေးချမ်းသာစွာဝင်ရောက် ဖြေဆိုနိုင်ရေးအတွက် မြို့နယ်စီမံအုပ်ချုပ်ရေးအဖွဲ့နှင့်ဌာနဆိုင်ရာတာဝန်ရှိသူတို့က စာမေးပွဲ ကြီးကြပ်ရေးဆရာတော်ကြီးများနှင့်စာဖြေ ရဟန်း၊ သာမဏေများကို နဝကမ္မဝတ္ထုများနှင့် အားဖြည့်အချိုရည်များ ဆက်ကပ်လှူဒါန်းပေးခဲ့ကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment