MNP ၊ မတ် ၂၈
ရခိုင်ပြည်နယ် မာန်အောင်မြို့နယ်၌ ကိုဗစ်-၁၉ ရောဂါကာကွယ်ဆေး စတုတ္ထအကြိမ်နှင့်ပဉ္စမအကြိမ်ထိုးနှံခြင်းကိုအသက်(၅၀)နှစ် အထက် ဌာနဆိုင်ရာ ဝန်ထမ်းများအား ယနေ့ နံနက်ပိုင်းက မြို့နယ်ပြည်သူ့ဆေးရုံ(ဟောင်း)ခန်းမတွင် ကျန်းမာရေးဌာန ဝန်ထမ်းများက ထိုးနှံပေးလျက်ရှိသည်။
ထိုသို့ ထိုးနှံပေးရာတွင် ကိုဗစ်-၁၉ ရောဂါကာကွယ်ဆေးထိုးနှံရန်လာရောက် သည့် ဌာနဆိုင်ရာဝန်ထမ်းများအား ကျန်းမာရေးဌာနမှ တာဝန်ကျဝန်ထမ်းများက ကိုယ်အပူချိန်တိုင်းတာပေးခြင်း၊ သွေးပေါင်ချိန်တိုင်းတာပေးခြင်းနှင့် စာရင်းမှတ်တမ်းရေးသွင်းကောက်ယူခြင်း များကို စနစ်တကျဆောင်ရွက်ပေးပြီး ပုံမှန်အခြေအနေရှိသူ များအား တတိယအကြိမ်ထိုးနှံပြီးသူများအား စတုတ္ထအကြိမ်အဖြစ်လည်းကောင်း၊စတုတ္ထအကြိမ်ထိုးနှံပြီးသူများအား ပဉ္စမအကြိမ်အဖြစ်လည်းကောင်းထိုးနှံပေးကြသည်။
အဆိုပါ ကာကွယ်ဆေးထိုးနှံရာတွင် အသက်(၅၀)နှစ်အထက် ဌာနဆိုင်ရာဝန်ထမ်းများ စတုတ္ထအကြိမ်အဖြစ်လာရောက်ထိုးနှံသူ(၁၆}ဦး၊ပဉ္စမအကြိမ်အဖြစ် လာရောက်ထိုးနှံသူ(၄၃)ဦးရှိပြီးကိုဗစ်-၁၉ ရောဂါကာကွယ်ဆေးကို ယခုလ၂၈ရက်နေ့မှ၃၀ရက်နေ့ထိ မြို့နယ်ပြည်သူ့ဆေးရုံ(ဟောင်း)ခန်းမတွင် နံနက်၁၀နာရီမှညနေ၃နာရီထိ ထိုးနှံပေးလျက် ရှိကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment