MNP ၊ မတ် ၂၇
ရှမ်းပြည်နယ်(မြောက်ပိုင်း)လားရှိုးခရိုင်၊ ကွမ်းလုံ၌ နွေရာသီ ကျောင်းပိတ်ရက်ကာလတွင် ကျောင်းသား/ကျောင်းသူများ အချိန်ကိုအကျိုးရှိစွာ အသုံးချနိုင်ရန်ရည်ရွယ်၍ အခြေခံပန်းချီ ရေးဆွဲနည်းသင်တန်းကို ယနေ့နံနက်(၁၀)နာရီအချိန်က ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ကွမ်းလုံမြို့နယ် ရုံးရှိ ကလေးစာဖတ်ခန်း၌ ဖွင့်လှစ်သင်ကြားပေးလျှက်ရှိကြောင်း သိရှိရသည်။
အခြေခံပန်းချီရေးဆွဲနည်းသင်တန်းတွင် ကွမ်းလုံမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့နယ်ဦးစီးမှူးက ပန်းချီသင်တန်းဖွင့်လှစ်သင်ကြားရ ခြင်း၏ ရည်ရွယ်ချက်ကို ပြောကြားခဲ့ပြီး အခြေခံပန်းချီရေးဆွဲနည်းအား လက်တွေ့ပြသသင်ကြားပေးခဲ့သည်။ အဆိုပါ အခြေခံပန်းချီရေးဆွဲနည်းသင်တန်းကို သင်တန်းသား (၁၅)ဦးဖြင့် မတ်လ ၂၇ ရက်နေ့မှ ဧပြီလ ၇ ရက်နေ့အထိ သင်ကြားပို့ချပေးသွားမည်ဖြစ်သည်။
ကွမ်းလုံမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနသည် ကျောင်းသား/ကျောင်းသူများနှင့် မိဘပြည်သူများ အသိပညာဗဟုသုတတိုးပွားစေရန်အတွက် သင်တန်းများဖွင့်လှစ်သင်ကြားပေးခြင်း၊ နယ်လှည့်စာကြည့်တိုက်များ၊ ပြပွဲ/ပြိုင်ပွဲများ၊ အသိပညာပေးဟောပြောပွဲနှင့် Online Talk Show ရိုက်ကူးထုတ်လွင့်ခြင်း များကို လစဉ်ဆောင်ရွက်ပေးလျှက်ရှိကြောင်း သိရှိရသည်။
https://t.me/MyanmarNationalPost
No comments:
Post a Comment