MNP ၊ မတ် ၃၀
ရှမ်းပြည်နယ်(တောင်ပိုင်း)၊ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့၌ ဓနုကိုယ်ပိုင်အုပ်ချုပ် ခွင့်ရဒေသစီမံအုပ်ချုပ်ရေးအဖွဲ့သည် ဒေသအဆင့်ဌာနဆိုင်ရာများ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ များ၊ မြို့နယ်အဆင့်ဌာနဆိုင်ရာများနှင့် ၂၀၂၂-၂၀၂၃ ဘဏ္ဍာရေးနှစ်အတွင်း အကောင်အထည်ဖော်ဆောင်ရွက်ခဲ့သည့် ဓနုကိုယ်ပိုင်အုပ်ချုပ်ခွင့်ရဒေသအတွင်းရှိ ပင်းတယ မြို့နယ်နှင့် ရွာငံမြို့နယ်တို့၏ ဒေသဖွံ့ဖြိုးရေးလုပ်ငန်းများနှင့်ပတ်သက်၍ လုပ်ငန်းညှိနှိုင်းအစည်းအဝေးအခမ်းအနားကို ယမန့်နေနံနက် ၉ နာရီအချိန်က ဓနုကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ရုံး အစည်းအဝေးခန်းမ (၁)တွင် ကျင်းပခဲ့ပြုလုပ်ခဲ့ကြောင်း သိရသည်။
အခမ်းအနားပထမပိုင်းတွင် ဓနုကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ဥက္ကဋ္ဌ ဦးအာကာလင်းက အဖွင့်အမှာစကားပြောကြားရာ နိုင်ငံတော်မှ အကောင်ထည်ဖော်ဆောင်ရွက်နေသည့်လုပ်ငန်းစဥ်များနှင့်ပတ်သက်၍ လိုက်နာဆောင်ရွက်ရမည် အခြေအနေများ၊မိမိတို့ဒေသသည် စိုက်ပျိုးရေးကိုအဓိကထား၍ ပညာရေး၊ ကျန်းမာရေး၊ စီးပွားရေးစတဲ့ဖွံ့ဖြိုးရေးလုပ်ငန်း ဆောင်ရွက်နေမှုများ စသည်ဖြင့် ရှင်းလင်းပြောကြားပေးပြီး၊ တက်ရောက်လာသည့် ဒေသအဆင့်ဌာနဆိုင်ရာများမှ မိမိတို့ဌာန၏ ဆောင်ရွက်နေမှုတို့အား Power Point ဖြင့်တင် ပြကြရာ ဒေသစီမံအုပ်ချုပ်ရေးအဖွဲ့ဥက္ကဋ္ဌက လိုအပ်သည်များကို ဖြည့်စွက်ဆွေးနွေးပြောကြား သည်။
ထိုနောက် အစည်းအဝေးပထမပိုင်းကိုရပ်နားခဲ့ပြီး မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ဒေသစီမံအုပ်ချုပ်ရေးအဖွဲ့ဥက္ကဋ္ဌသည် ဌာနဆိုင်ရာများနှင့်အတူနေ့ လည်စာ သုံးဆောင်ခဲ့ကြောင်းသိရသည်။ ဆက်လက်၍ မွန်းလွဲ (၁)နာရီခွဲအချိန်တွင် အစည်းအဝေးဒုတိယပိုင်းကို ကျင်းပခဲ့ရာ ပင်းတယမြို့နယ်နှင့်ရွာငံမြို့နယ်တို့မှ မြို့နယ်အဆင့် ဌာနဆိုင်ရာများက မိမိတို့ဌာနအသီးသီး၏ လုပ်ငန်းဆောင်ရွက်ချက်တို့အား တင်ပြခဲ့ကြသည်။ ယင်းနောက် ဒေသစီမံအုပ်ချုပ်ရေးအဖွဲ့ဥက္ကဋ္ဌမှ အစည်းအဝေးနှင့်ပတ်သက်၍ နိုင်ငံ့ဝန်ထမ်းများဖြစ်သည်နှင့်အညီ မိမိတို့နိုင်ငံ၏ ရှေ့ဆက်လုပ်ဆောင်နေသည့်လုပ်ငန်းများတွင် အတူတကွလက်တွဲလုပ်ဆောင်ကြကာ၊ ဒေသဝမ်းစာဖူလုံရေး၊ သားငါးကဏ္ဍဖွံ့ဖြိုးရေး၊ ဒေသဖွံ့ဖြိုးရေးလုပ်ငန်းများကို ဝိုင်းဝန်းပူးပေါင်းပေးကြရန် စသဖြင့်နိဂုံးချုပ် အမှာစကားပြောကြားပေးခဲ့ကြောင်း သိရသည်။
အောင်ကိုဦး
https://t.me/MyanmarNationalPost
No comments:
Post a Comment