MNP ၊ မတ် ၂၈
မွန်ပြည်နယ် ဘီးလင်းမြို့နယ်တွင် နိုင်ငံတော် အစိုးရမှ နှစ်စဉ်ကြီးမှူး ကျင်းပသော ( ၄၆ ) ကြိမ်မြောက် ပါဠိပထမပြန် စာမေးပွဲကို ယနေ့ နေလယ် ၁၂ နာရီက ဘီးလင်းမြို့နယ် ငြိမ်းချမ်းရိပ်မြုံ စမ္မာစရိယစာသင် တိုက်၌ ကျင်းပပြုလုပ်ခဲ့ကြောင်း သိရသည်။
ဘီးလင်းမြို့နယ်တွင် ပါဠိပထမပြန် စာမေးပွဲ ပထမကြီးတန်း၌ စာရင်းရှိ ( ၃၂ ) ပါး၊ဝင်ရောက်ဖြေဆိုသူ (၃၁) ပါး ၊ ပျက်ကွက် (၁) ပါး၊ပထမလတ် တန်း၌ စာရင်းရှိ (၃၃) ပါး၊ ဝင်ရောက်ဖြေဆိုသူ (၂၈) ပါး၊ ပျက်ကွက် (၅) ပါး၊ ပထမငယ်တန်း၌ စာရင်းရှိ ( ၉၀ ) ပါး ဝင်ရောက်ဖြေဆိုသူ (၈၇) ပါး ပျက်ကွက် (၃) ပါး၊ မူလတန်းအခြေပြု၌ စာရင်းရှိ ( ၁၄၀ )ပါး ဝင်ရောက် ဖြေဆိုသူ (၁၂၀ ) ပါး၊ ပျက်ကွက် ( ၂၀ ) ပါး စုစုပေါင်း ဝင်ရောက် ဖြေဆိုသည့် စာဖြေသံဃာနှင့် သီလရှင် ဆရာလေး (၂၆၆ ) ပါး တို့က ဘာသာရပ်အလိုက်ဝင်ရောက် ဖြေဆိုခဲ့ကြသည်။
အဆိုပါ စာဖြေ သံဃာတော်များနှင့် သီလရှင်ဆရာလေးများအား ဌာန ဆိုင်ရာများက အချိုရည်များ ဆက်ကပ် လှူဒါန်းခြင်းနှင့် ကျန်းမာရေး စောင့်ရှောက်မှုအဖြစ် ဘီးလင်းမြို့နယ် မိခင်နှင့် ကလေး ကျန်းမာရေး ဌာနမှ ဆရာမ ဒေါ်ခင်ခင်မြင့်နှင့် ဝန်ထမ်းများက တာဝန်ယူဆောင်ရွက် ပေး လျှက်ရှိကြောင်းသိရသည်။
ထူးနောင်
https://t.me/MyanmarNationalPost
No comments:
Post a Comment