MNP ၊ မတ် ၂၈
မကွေးတိုင်းဒေသကြီး ရေနံချောင်းမြို့နယ် သာသနာရေးဦးစီးဌာနက ကြီးမှူးကျင်းပသည့် ၂၀၂၃ ခုနှစ် အစိုးရပါဠိပထမပြန်စာမေးပွဲကို ယနေ့မွန်းတည့် ၁၂ နာရီက ရေနံချောင်းမြို့ မြို့မမြောက်ရပ်ကွက်ရုံးရပ်ရှိ သဒ္ဓသုခီ ရာပြည့်သာသနာ့ဗိမာန်တော်ကြီး၌ စတင်ဖြေဆိုလျက်ရှိသည်။
ရေနံချောင်းမြို့နယ်၌ အစိုးရပါဠိပထမပြန်စမေးပွဲ စတင်ဖြေဆိုသည့်နေ့တွင် အခြေပြုမူလတန်း၊ ပထမငယ်တန်း၊ ပထမလတ်တန်းနှင့် ပထမကြီးတန်းတို့တွင် စာရင်းသွင်း ရဟန်း၊ သာမဏေ၊ သီလရှင်နှင့် လူပုဂ္ဂိုလ် ၁ ဦးအပါ ၁၁၀ ပါးအနက် ၁၀၀ ပါး ဝင်ရောက်ဖြေဆိုတော်မူပြီး ပျက်ကွက် ၁၀ ပါးရှိကြောင်း သာသနာရေးဦးစီးဌာနမှ သိရသည်။
အဆိုပါ အစိုးရပါဠိပထမပြန်စာမေးပွဲကို မတ် ၂၈ ရက်နေ့မှ ဧပြီ ၃ ရက်နေ့အထိ ကျင်းပသွားမည်ဖြစ်ပြီး စာဖြေသံဃာတော်များ စိတ်အေးချမ်းသာစွာ ဖြေဆိုနိုင်ရေးအတွက် ဩဝါဒစရိယ ဆရာတော်များ၊ မြို့နယ်သံဃ နာယကအဖွဲ့ဥက္ကဋ္ဌနှင့် အကျိုးဆောင်ဆရာတော်များ၊ မြို့နယ် စီမံအုပ်ချုပ်ရေးအဖွဲ့နှင့် စာမေးပွဲကြီးကြပ်ရေး အဖွဲ့များ၊ မြို့နယ်သံဃဝေယျာဝစ္စအဖွဲ့များက ဖြည့်ဆည်းဆောင်ရွက်ပေးလျက်ရှိသည်။
စာမေးပွဲကျင်းပနေစဉ် စာဖြေသံဃာတော်များအား ရပ်ကွက်အလိုက် နေ့ဆွမ်းဆက်ကပ်ခြင်းနှင့် ဌာနဆိုင်ရာအဖွဲ့အလိုက် အချိုရည်ဆက်ကပ်လှူဒါန်းခြင်းများ ပြုလုပ်သွားမည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment