MNP ၊ မတ် ၂၈
ရခိုင်ပြည်နယ် ၊ သံတွဲမြို့နယ် ၌ သာသနာရေးနှင့်ယဉ်ကျေးမှုဝန်ကြီးဌာန၊ သာသနာရေး ဦးစီးဌာနမှ ကြီးမှူး၍ ကျင်းပပြုလုပ်သည့် ၂၀၂၃-ခုနှစ် အစိုးရပါဠိပထမပြန် စာမေးပွဲဖြေဆိုခြင်းကို ယနေ့နေ့လယ် ၁၂ နာရီက သံတွဲမြို့ ဘုရင့်နောင်လမ်းရှိ သာသနာ့ဗိမ္မာန်တော်၌ ဖြေဆို ရှိကြောင်းသိရသည်။
ထိုသို့ဖြေဆိုကြရာတွင် သံတွဲမြို့နယ်စာစစ်ဌာန၌ ပထမကြီးတန်း ၊ ဒွေမာတိကာ ဘာသာရပ်တွင် ဖြေဆိုရန်စာရင်းတင်သွင်းထားသည့် ရဟန်းသံဃာ ( ၂)ပါးရှိပြီး ပျက်ကွက်(၂)ပါး၊ ပထမလတ်တန်း ဒွေမာတိကာ ဘာသာရပ်တွင် စာရင်းရှိ ရဟန်းသံဃာ ( ၈)ပါးရှိပြီး ဖြေဆို(၅)ပါး၊ ပျက်ကွက်(၂)ပါး၊ ပထမငယ်တန်း ဘိက္ခုပါတိမောက် ဘာသာရပ်တွင် စာရင်းရှိ (၁၃)ပါး၊ ဖြေဆို(၁၂)ပါး ၊ ပျက်ကွက်(၁)ပါရှိပြီး အခြေပြုမူလတန်းတွင် ဖြေဆိုရန်စာရင်းတင်သွင်းထားသည့် ရဟန်းသံဃာ ( ၂၁)ပါးရှိပြီး ဖြေဆိုသူ(၁၂)ပါးနှင့်ပျက်ကွက် (၉)ပါးရှိသဖြင့် စုစုပေါင်းဖြေဆိုရန် စာရင်းတင်သွင်းထားသည့် သည့် ရဟန်းသံဃာ (၄၄ )ပါးရှိသည့်အနက် (၂၉)ပါးဖြေဆိုသဖြင့် ပျက်ကွက် (၁၅)ပါးရှိကြောင်း သံတွဲခရိုင်သာသနာရေးဦးစီးဌာနမှသိရှိရသည်။
အဆိုပါ ၂၀၂၃-ခုနှစ် အစိုးရပါဠိပထမပြန် စာမေးပွဲကို မတ်လ( ၂၈)ရက်နေ့မှ ဧပြီလ (၃)ရက်နေ့အထိ ကျင်းပပြုလုပ်သွားမည်ဖြစ်ကြောင်းသိရှိရသည်။
https://t.me/MyanmarNationalPost
No comments:
Post a Comment