MNP ၊ မတ် ၂၅
မကွေးတိုင်းဒေသကြီး၊ ရေနံချောင်းမြို့နယ်၌ ၂၀၂၃ ခုနှစ် မြန်မာလူမျိုးတို့၏ ရိုးရာနှစ်သစ်ကူး မဟာသင်္ကြန်ပွဲတော် စည်ကားသိုက်မြိုက်စွာကျင်းပနိုင်ရေး လုပ်ငန်းညှိနှိုင်းအစည်းအဝေးကို ယနေ့ မွန်းလွဲ ၁ နာရီက မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ပြုလုပ်သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်ဇင်ဦးက နှစ်သစ်ကူးသင်္ကြန်ပွဲတော် ကျင်းပရေးနှင့် ပတ်သက်၍ ရေရရှိရေး၊ ရန်ပုံငွေရှာဖွေရေး၊ စတုဒီသာကျွေးမွေးရေး၊ ဆရာတော် သံဃာတော်များဖြင့် အန္တရာယ် ကင်းပရိတ်တရာတော်များ လှည့်လည်ရွတ်ဖတ်ပူဇော်နိုင်ရေး၊ အဘိုးအဘွားများအား ဂါရဝပြုပူဇော်ကန်တော့နိုင်ရေး၊ ပွဲတော်လုံခြုံရေး စသည့်သင်္ကြန်ပွဲတော် ကျင်းပရေးကိစ္စရပ်များကို တက်ရောက်လာသည့် ဌာနဆိုင်တာဝန် ရှိသူများ၊ ရပ်/ကျေး အုပ်ချုပ်ရေးမှူးများနှင့် ဆွေးနွေးညှိနှိုင်းသည်။
အဆိုပါ သင်္ကြန်ပွဲတော်ကျင်းပရေး လုပ်ငန်းညှိနှိုင်းအစည်းအဝေးသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ ဌာနဆိုင်ရာတာဝန်ရှိသူများ၊ ရပ်/ကျေးအုပ်ချုပ်ရေးမှူးများ တက်ရောက်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment