MNP - မတ် ၄
ရခိုင်ပြည်နယ်၊ စစ်တွေခရိုင်၊ ပေါက်တောမြို့နယ်၏၂၀၂၃ခုနှစ် တက္ကသိုလ်ဝင်တန်းစာမေးပွဲဖြေဆိုမည့် စာသင်ကျောင်းများသို့ မီးဘေးအန္တရာယ် ကြိုတင်ကာကွယ်နိုင်ရေးအတွက် မီးဘေးလုံခြုံရေး စစ်ဆေးခြင်းကို မြို့နယ်မီးသတ်ဦးစီးဌာနမှ ယမန်နေ့ နေ့လယ်ပိုင်းက ဆောင်ရွက်ခဲ့သည်။
ထိုသို့ကွင်းဆင်းစစ်ဆေးရာတွင် မြို့နယ်မီးသတ်ဦးစီးဌာနမှ ဦးစီးအရာရှိ ဦးမျိုးမင်းထွန်း ဦးဆောင်သော မီးသတ်တပ်ဖွဲ့ဝင်များက တက္ကသိုလ်ဝင်တန်းစာမေးပွဲဖြေဆိုမည့် စာသင်ကျောင်းများသို့ ကျောင်းဝင်းအတွင်း မီးသတ်ဆေးဘူး၊ မီးချိတ်၊ မီးကပ်၊ သဲအိတ်၊ ရေစုကန်များ၌ ရေများ ဖြည့်တင်းထားရှိမှုအခြေအနေနှင့် စာသင်ဆောင်အတွင်း / အပြင်တွင် လျှပ်စစ်မီးများသွယ်တန်းထားရှိမှုအခြေအနေများကြည့်ရှုပြီး ကျောင်းပတ်ဝန်းကျင်တွင် မီးလောင်လွယ်သောချုံနွယ်၊ အမှိုက်သရိုက်များအား စနစ်တကျသန့်ရှင်းရေးပြုလုပ်ထားကြရန်၊ မီးသတ် ဆေးဘူးအသုံးပြုပုံများအား ရှင်းလင်းပြသပေးခြင်း၊ မတော်တဆ မီးလောင်မှု ဖြစ်ပွားပါကလည်း သက်ဆိုင်ရာ မီးသတ်ဦးစီးဌာနသို့ ချက်ချင်း သတင်းပေးပို့ကြပါရန် ကွင်းဆင်းစစ်ဆေး အကြံပြု လမ်း ညွန်မှာကြားခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment