MNP ၊ မတ် ၁၆
ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့၌ ပြန်ကြားရေးနှင့်ပြည်သူ့ဆက်ဆံရေး ဦးစီးဌာန ဝန်ထမ်းများက (၇၈)နှစ်မြောက် တပ်မတော်နေ့အထိမ်းအမှတ် သတင်းစကား လက်ကမ်းစာစောင်များကို မြောင်းမြမြို့ အခြေခံပညာအထက်တန်းကျောင်းများ၊ ဌာနဆိုင်ရာများ၊ သင်တန်းကျောင်းများသို့ သွားရောက်၍ ဖြန့်ဝေပေးခဲ့ကြောင်း သိရသည်။
အဆိုပါ သတင်းစကား လက်ကမ်းစာစောင်တွင် (၇၈)နှစ်မြောက် တပ်မတော်နေ့ ဦးတည်ချက်များ၊ တပ်မတော်၏ အား(၁၀)ပါး၊ ဗိုလ်ချုပ်အောင်ဆန်း ၁၃−၇−၁၉၄၇ ရက်နေ့ မြို့တော်ခန်းမတွင် ကျင်းပသောပြည်သူ့အစည်းအဝေး၌ ပြောကြားခဲ့သည့် မိန့်ခွန်းမှ ကောက်နုတ် ချက်၊ ပြည်သူချစ်တဲ့တပ်မတော်ကဗျာ၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မဟာသရေစည်သူ မင်းအောင်လှိုင် ၂၇−၃−၂၀၂၂ ရက်နေ့ (၇၇)နှစ်မြောက်တပ်မတော်နေ့ စစ်ရေးပြအခမ်းအနား၌ ပြောကြားသည့် မိန့်ခွန်းမှ ကောက်နုတ်ချက်၊ တပ်မတော်နေ့နှင့်ပတ်သက်သည့် အကြောင်းအရာများ၊ ကာတွန်းစသည်တို့ ပါရှိပြီး မြောင်းမြမြို့ရှိ အခြေခံပညာအထက်တန်းကျောင်းများ၊ ပညာရေးဒီဂရီကောလိပ်၊ စိုက်ပျိုးရေးသိပ္ပံကျောင်းနှင့် သူနာပြုသင်တန်းကျောင်းများနှင့် ဌာနဆိုင်ရာများသို့ လက်ကမ်း စာစောင်များ ဖြန့်ဝေပေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment