MNP ၊ မတ် ၂၉
ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၊ မင်္ဂလာဗျူဟာ သာသနာ့ဗိမာန်တော်ကြီးအတွင်း၌ ၂၀၂၃ ခုနှစ် အစိုးရဓမ္မာစရိယစာမေးပွဲဖြေဆိုနေလျက်ရှိသည့် သံဃာတော်များနှင့် သီလရှင်များအား နေပြည်တော်ကောင်စီအဖွဲ့၀င်ဦးမြင့်စိုးနှင့် တာ၀န်ရှိသူများက ယနေ့မွန်းလွဲပိုင်းက ကြည့်ရှုအားပေးခဲ့သည်။
ပျဉ်းမနားမြို့နယ် အစိုးရဓမ္မာစရိယ စာဖြေဌာန၌ စာရင်းသွင်း သံဃာတော်များနှင့် သီလရှင် (၂၆၉)ပါးရှိပြီး ဖြေဆိုသူ (၂၃၄)ပါး ဝင်ရောက်ဖြေဆိုတော်မူကြသည်။ စာဖြေ သံဃာတော်များနှင့် သီလရှင်များအားဩဝါဒစရိယ ဆရာတော်ကြီး ၄ ပါး၊ အထူးကြီးကြပ်ရေး ဆရာတော်၉ပါး၊ ကြီးကြပ်ရေးဆရာတော် ၁၂ပါး နေပြည်တော် သာသနာရေးမှူးရုံးမှ ဒုတိယညွှန်ကြားရေးမှူး ဦးသက်နိုင်ဝင်း၊ မြို့နယ်သာသနာရေးမှူးနှင့် တာဝန်ရှိသူများက ကြီးကြပ်ဆောင်ရွက်လျက်ရှိသည်။
အဆိုပါ ၂၀၂၃ ခုနှစ် အစိုးရဓမ္မာစရိယ စာမေးပွဲကို မတ်လ ၂၁ ရက်နေ့မှ ၃၀ရက်နေ့အထိဖြေဆိုသွားရမည်ဖြစ်ကြောင်း မြို့နယ်သာသနာရေးဦးစီးဌာနမှ သိရသည်။
မျိုးသီဟ
https://t.me/MyanmarNationalPost
No comments:
Post a Comment