MNP - မတ် ၃
ရခိုင်ပြည်နယ်၊ မောင်တောခရိုင်၊ ဘူးသီးတောင်မြို့၌မြို့နယ်မီးသတ်ဦးစီးဌာနမှ ပွင့်လင်းရာသီရောက်ရှိလာပြီဖြစ်၍ မီးဘေးအန္တရာယ်ကြိုတင်ကာကွယ်ရေး လုပ်ငန်းများကို အရှိန်အဟုန်မြှင့်ဆောင်ရွက်လျက်ရှိရာ ယမန်နေ့ညနေပိုင်းက မြတောင်ယာယီနေရပ်စွန့်ခွာသူများစခန်း၌ အသိပညာပေးခြင်းများကွင်းဆင်းဆောင်ရွက်ခဲ့ကြသည်။
ထို့သို့ကွင်းဆင်းဆောင်ရွက်ရာတွင် မြို့နယ်မီးသတ်ဦးစီးဌာနမှ ဒုတိယမီးသတ်ဦးစီးမှူးဦးသန့်ဇော်ဦးဆောင်၍မီးသတ်တပ်ဖွဲ့ဝင်များက စခန်းရှိနေအိမ်များ၌ မီးလောင်မှု၊ မီးလန့်မှုများ မဖြစ်ပွားစေရေး၊မီးဘေးသတိရှိရေး၊ မီးဘေးကြိုတင်ကာကွယ်ရေးအတွက် မီးချိတ်၊ မီးကပ်၊ သဲပုံး၊ရေပုံးများ၊ မီးသတ်ဆေးဘူးများ အဆင်သင့်ထားရှိရန်နှင့် လျှပ်စစ်သွယ်တန်းမှုစနစ်တကျရှိ/ မရှိစစ်ဆေးခြင်းနှင့်ဟောင်းနွမ်းနေသော မီးပလပ်/ ခလုတ်များအား လဲလှယ်တပ်ဆင်အသုံးပြုကြရန် မှာကြားစစ်ဆေးခြင်း၊ မီးသတ်ဆေးဘူးများ စနစ်တကျပြင်ဆင်ထားရှိမှု (လေပေါင်)ရှိ/မရှိစစ်ဆေးခြင်းနှင့် မီးဘေးလုံခြုံရေးဆိုင်ရာတို့ကို စစ်ဆေးမှာကြားခဲ့ကြပြီး မီးသတ်ဆေးဘူးကိုင်တွယ် အသုံးပြုနည်းများကိုသရုပ်ပြရှင်းလင်းပေးခဲ့ကြောင်းသိရသည်။
လှကျော်
https://t.me/MyanmarNationalPost
No comments:
Post a Comment