MNP ၊ မတ် ၂၅
ပဲခူးတိုင်းဒေသကြီး၊ တောင်ငူခရိုင်လူမှုဝန်ထမ်းရုံး တောင်ငူမြို့ မူလတန်းကြိုကျောင်း၌ ယနေ့နံနက် (၈:၃၀)နာရီ အချိန်တွင် ကျောင်းဆင်းဂုဏ်ပြုလက်မှတ်ချီးမြှင့်ခြင်းနှင့် ပဒေသာကပွဲ အခမ်းအနားကျင်းပခဲ့ကြောင်း သိရသည်။
ရှေးဦးစွာ တောင်ငူခရိုင်လူမှုဝန်ထမ်းရုံးမှ ခရိုင်ဦးစီးမှူး ဒေါ်နီနီရွှေက နှုတ်ခွန်းဆက် အမှာစကား ပြောကြားပြီး မူကြိုကျောင်းသားကျောင်းသူများအား ကျောင်းဆင်းဂုဏ်ပြုလက်မှတ်များ ပေးအပ်ချီးမြှင့်ခဲ့သည်။ ထို့နောက် မူကြိုကျောင်းသား ကျောင်းသူလေးများက အခမ်းအနားသို့ ကြွရောက်လာကြသည့် ဌာနဆိုင်ရာ တာဝန်ရှိသူများ၊ ကျောင်းသားမိဘများနှင့် သားငယ် သမီးငယ်လေးများကို ပဒေသာကပွဲဖြင့် ဖျော်ဖြေခဲ့ကြောင်း သိရသည်။
အဆိုပါမူကြိုကျောင်းတွင် ၂၀၂၂-၂၀၂၃ခုနှစ် ပညာသင်နှစ်၌ မူကြိုကျောင်းသားကျောင်းသူ (၁၀၀)ဦး တက်ရောက်သင်ကြားလျက်ရှိပြီး မူကြိုကျောင်းသားကျောင်းသူ (၅၃)ဦးအား ကျောင်းဆင်းဂုဏ်ပြုလက်မှတ်များ ပေးအပ်ချီးမြှင့်ခဲ့ကြောင်း တောင်ငူခရိုင် လူမှုဝန်ထမ်းရုံးမှ သိရသည်။
https://t.me/MyanmarNationalPost
No comments:
Post a Comment