MNP ၊ မတ် ၂၅
ရန်ကုန်မြောက်ပိုင်းခရိုင် မင်္ဂလာဒုံမြို့နယ်တွင် ရပ်ကွက်ပေါင်းစုံအမျိုးသား (အလွတ်တန်း) ချစ်ကြည်ရေးဘောလုံးပြိုင်ပွဲ ဖွင့်ပွဲအခမ်းအနားကို မြဝတီဘောလုံးကွင်း၌ ယမန်နေ့မွန်းလွဲ ၃နာရီခွဲ အချိန်ကကျင်းပကြောင်း သိရသည်။
အခမ်းအနားတွင် မြို့နယ်စီမံအုပ်ချုပ် ရေးအဖွဲ့ဝင်(၁)ဗိုလ်မှူးဝင်းကျော်ဦးက အားကစားကဏ္ဍ ဖွံ့ဖြိုးတိုးတက်စေရန် ချစ်ကြည်ရေးဘောလုံးပြိုင်ပွဲကို ကျင်းပပေးခြင်းဖြစ်ကြောင်း အဖွင့်အမှာစကားပြောကြားသည်။ ထို့နောက် ဘောလုံးဝါသနာရှင်အသင်းများမှ အားကစားသစ္စာအဓိဌာန်( ၄) ချက်ကို သံပြိုင်သီဆိုကာ ဘောလုံးအားကစားပြိုင်ပွဲ စတင်ယှဥ်ပြိုင် ကစားကြသည်။
အဆိုပါ ချစ်ကြည်ရေးဘောလုံးပြိုင်ပွဲသို့ မြို့နယ်အတွင်းရှိ ဌာနဆိုင်ရာအကြီးအကဲများ၊ ဧည့်သည်တော်များ၊ ဘောလုံးဝါသနာရှင်ပြည်သူများက ကြည့်ရှုအားပေးကြကြောင်းနှင့် ထိုဘောလုံးပြိုင်ပွဲအား မြို့နယ်ရှိရပ်ကွက်ပေါင်းစုံမှ ဘောလုံးအသင်း (၈) သင်း ဖွဲ့စည်းကာ အုပ်စု(က) (ခ) ခွဲ၍ သတ်မှတ်ရက်များတွင် အလှည့်ကျယှဉ်ပြိုင်ကစားကြမည်ဖြစ်ပြီး ပထမ၊ ဒုတိယ၊ တတိယဆုများ ချီးမြှင့်သွားမည်ဖြစ်ကြောင်း သိရသည်။
မြတ်သူဇာ
https://t.me/MyanmarNationalPost
No comments:
Post a Comment