MNP ၊ မတ် ၂၈
ရခိုင်ပြည်နယ်၊ သံတွဲခရိုင်၊ ကျိန္တလီမြို့တွင် ၂၀၂၂-၂၀၂၃ ပညာသင်နှစ် အခြေခံပညာ ကျောင်းများတွင် သင်ကြားသင်ယူမှုလုပ်ငန်းများ ထိရောက်အောင်မြင်စွာ ဆောင်ရွက်နိုင်ရန် အခြေခံပညာမူလတန်းဆင့်တွင် သင်ကြားပြသနေသော ဆရာ/မ များအား အတန်းလိုက် ဘာသာရပ်အလိုက် သင်ကြားမှုစွမ်းရည်များ မြင့်မားလာစေရန် ဘာသာရပ်စွမ်းရည်မြှင့် ဆွေးနွေးပွဲ ဖွင့်ပွဲအခမ်းအနားကို ယနေ့နံနက် ၉ နာရီအချိန်က အ.ထ.က ကျိန္တလီ ရွှေကိန္နရီခန်းမ၌ ကျင်းပ ပြုလုပ်ခဲ့သည်။
အခမ်းအနားတွင် မြို့နယ်ပညာရေးမှူး ကိုယ်စား ဒုတိယမြို့နယ်ပညာရေးမှူး ဆရာကြီး ဦးဇော်မင်းသိန်းမှ အဖွင့်အမှာစကား ပြောကြားပြီး လက်ထောက်မြို့နယ်ပညာရေးမှူး ဆရာကြီး ဦးနေမျိုးဆွေမှ သင်တန်းနှင့်သက်ဆိုင်သည်များကို မှာကြားခဲ့သည်။
အဆိုပါသင်တန်းတွင် သင်တန်းနည်းပြဆရာ(၁၂)ဦးနှင့် မူလတန်းပြ ဆရာ/မ (၂၁၀)ဦး တက်ရောက်ကြပြီး ဆွေးနွေးပွဲကို မတ်လ ၂၈ ရက်နေ့မှ ၃၁ရက်နေ့ထိ နေ့စဉ်နံနက် ၉ နာရီမှစ၍ ဆွေးနွေးပွဲကို ကျင်းပပြုလုပ်သွားမည်ဖြစ်ကြောင်းသိရသည်။
ဇော်လင်း
https://t.me/MyanmarNationalPost
No comments:
Post a Comment