MNP - မတ် ၂
မွန်ပြည်နယ်၊ကျိုက်ထိုခရိုင်၊ကျိုက်ထို မြို့နယ် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊စိုက်ပျိုးရေးဦးစီးဌာနမှမတ်လ ၂ ရက် နံနက် ၁၀ နာရီတွင်ကျိုက်ထိုမြို့နယ် ကျိုက္ကသာကျေးရွာ တောင်သူ ဦးအောင်ကျော်ထူး ၏ စံပြစိုက်ခင်း၌ မြေပဲမျိုး (ယှဉ်ပြိုင်)စမ်းသပ်ခြင်းကွင်းသရုပ်ပြခြင်းကိုပြုလုပ်ခဲ့သည်။
ကွင်းသရုပ်ပြရာ၌ ကျိုက်ထိုမြို့နယ်စိုက်ပျိုးရေးဦးစီးဌာနမှ ဦးစီးအရာရှိ ဦးဝင်းဗိုလ် က ယခင်နှစ်များက စိုက်ပျိုးသည့် မြေပဲများအစား ဗီယက်နန် မြေပဲမျိုးကိုစမ်းသပ်စိုက်ပျိုးပေးခြင်းဖြစ်ကြောင်း ဗီယက်နန်မျိုးမှာအခွံပါးလွှာ၍အတွင်းဆံများပြီးကြီးထွားခြင်းရှိ၍ မြေပဲဆီကြိတ်ရာတွင်ဆီထွက်နှုန်းကောင်းကာသမရိုးကျစိုက်ပျိုးသည့်မြေပဲနှင့်ဗီယက်နန်မြေပဲစိုက်ပျိုးစရိတ်ကုန်ကျမှုမှာအတူတူဖြစ် သည်ကိုတောင်သူများအားအသိပေးပြောကြားခဲ့သည်။
ဆက်လက်၍ တောင်သူအောင်ကျော်ထူး က ယခင်နှစ်များက ဆောင်းမြေပဲမျိုးကိုစိုက်ပျိုးခဲ့သော်လည်း တစ်ဧကထွက်နှုန်းမှာတင်း(၇၀)ထွက်ရှိခဲ့ကြောင်း ယခုစမ်းသပ်စိုက်ပျိုးသည့် ဗီယက်နန် မြေပဲအထွက်နှုန်းမှာတစ်ဧက တင်း(၁၀၀)အထိထွက်ရှိခြင်းကြောင့်မြို့နယ်စိုက်ပျိုးရေးဦးစီးဌာနမှဦးစီးအရာရှိနင့်ဝန်ထမ်းများ
အားကျေးဇူးတင်စကားပြောကြားခဲ့ ကြောင်းသိရသည်။
ဝင်းမောင်
https://t.me/MyanmarNationalPost
No comments:
Post a Comment